REPRESENTANTES
DE ESQUERDA UNIDA COMPOSTELA REÚNENSE COA A.V. AS BRAÑAS DE ANDRÉS PARA ATENDER
ÁS DEMANDAS VECIÑAIS DE MELLORA DO BARRIO
O
CONSELLO COMARCAL DE EU COMPOSTELA DENUNCIA A INCOMPETENCIA DUN CONCELLO
SOMETIDO AOS INTERESES ELECTORALISTAS DO SEU ALCALDE
Os representantes do Consello Comarcal de Esquerda
Unida Compostela, Xabier Ron e Vicente Vázquez, mantiveron un encontro coa AV As
Brañas de Andrés proseguindo cos encontros co tecido asociativo e veciñal da
cidade para coñecer de primeira man as necesidades dos barrios e parroquias do
municipio ao mesmo tempo que facelo partícipe do proceso de elaboración
colectiva do programa das municipais de maio do 2015.
Unha vez máis queda claro que os intereses
electoralistas de Agustín Hernández, alcalde dedocrático de Compostela, están
privando aos barrios tradicionais de Compostela dos elementos necesarios para a
cohesión social e territorial. A veciñanza experimenta que non recibe o mesmo
trato ca outras zonas da cidade, consideradas prioritarias para un equipo de
goberno preocupado, unicamente, pola cita electoral de maio de 2015.
O desleixo queda demostrado pola existencia de
eivas no barrio que, como manifestou a Xunta Directiva, están aí desde hai
anos: problemas co estado das arquetas e o cheiro que se desprende delas;
beirarrúas que non están adaptadas para persoas con diversidade funcional ou
con problemas de mobilidade; iluminación defectuosa en varios tramos do barrio
(rúa Castiñeiros, praciña da Costa da Fonte, Carvalho Calero); carencia de suxeición
para contedores; deficiencias en mantemento de camiños e vías (no camiño que
transcorre detrás da capela da Virxe da Fonte, por exemplo, ou o firme da rúa
dos Castiñeiros); serias eivas en canto á calidade dos espazos públicos para o
seu goce, como son os parques infantís, mal acondicionados ou a demanda da
asociación de que se instale un parque saudable para persoas maiores no parque
da Finca de Vista Alegre; e outras circunstancias que poñen de relevo a mala
planificación e xestión dun Concello que estivo secuestrado pola corrupción.
Os veciños e veciñas queren interlocución con
Concello e poder participar nas decisións que afectan ao barrio, tal como
aconteceu coa supresión en Vista Alegre do horario de tarde para carga e
descarga que se fixo sen informar e provocando malestar nos comerciantes. Unha
decisión coa que non están conformes e solicitan a súa reposición.
A Xunta Directiva reclama, igualmente, que se
atendan as súas demandas no tocante ao mantemento do Centro Sociocultural en
canto a portas, sustentabilidade enerxética, xa que as portas existentes non
garanten nin a seguridade nin o mantemento térmico e instalación dunha tea
asfáltica na arqueta para impermeabilizala, para que non entre a auga no local
debido á canle de baixada da auga na parte da horta.
Insistimos, a diagnose do traballo que realiza
Esquerda Unida é clara: o Alcalde só se preocupa de extraer a máxima
rendibilidade electoralista....co diñeiro de todos os veciñas e todas as
veciñas de Compostela.
No hay comentarios:
Publicar un comentario