O
CONSELLO COMARCAL DE ESQUERDA UNIDA
COMPOSTELA REITERA A SÚA LOITA EN DEFENSA DUNHA SANIDADE PÚBLICA DE CALIDADE E
GRATUÍTA.
O
CONSELLO COMARCAL DE EU COMPOSTELA DEMANDA AO CONCELLO QUE SE IMPLICE TODO O
POSIBLE NA DEFENSA DO DEREITO DE TODAS AS VECIÑAS E VECIÑOS A UNHA SANIDADE
PÚBLICA.
O Consello Comarcal de Esquerda Unida Compostela considera
necesario que todas as administracións se comprometan a ser garante dun sistema
sanitario publico e de calidade, que protexa o dereito universal a saúde sen
restricións de ningunha clase..
Nos últimos tempos a cidadanía vimos sufrindo continuos
ataques ao sistema sanitario público como consecuencia das políticas de
recortes de recursos, e da introdución de formas de privatización máis ou menos
encubertas.
Por outra banda a promulgación do Real Decreto
16/2013 supuxo unha contrarreforma gravísima que racha co dereito a unha
sanidade e universal e equitativa. No caso do goberno galego o Programa Galego
de Protección Social da Saúde Pública (PGPSSP),
o programa que debe garantir a atención sanitaria ás persoas inmigrantes
en situación de irregularidade administrativa residentes en Galicia, non supuxo
máis que un parche ineficaz que deixa de facto a miles de persoas nunha grave
situación de desamparo sanitario.
Segundo os últimos datos das entidades sociais
galegas nin 1000 persoas migrantes se tiñan acollido ao citado programa sobre
as 15.000 que tiñan terían que terse acollido, débese tanto pola falta de
información como ás instrucións confusas que se ofrecen dende os centros
sanitarios.
As políticas sanitarias alíanse cos intereses
empresariais. Esquécense de novo da cidadanía, especialmente dos mais
vulnerables e necesitados de atención como son as persoas maiores, enfermos
crónicos, persoas con algunha discapacidade e persoas migrantes. Entre os que xa
se están observando graves consecuencias na súa saúde, e todo iso nun contexto
como é esta crise económica, que aumenta a necesidade de maior atención,
constatándose xa un aumento da mortalidade e unha morbilidade invisibilizada,
non atendida e encuberta.
Por suposto non nos esquecemos da retrógrada e
nefasta nova lei do aborto do PP, que ademais de atentar contra o dereito a
decidir das mulleres, e outra medida que pode poñer en perigo a súa vida.
Por todo isto, no día mundial da saúde, dende o
Consello Comarcal de EU Compostela esiximos ao goberno local que tanto de
maneira activa, nas competencias que ten, como denunciando e instando a trocar
as medidas do goberno autonómico ou estatal, loite por garantir unha sanidade
pública de calidade e gratuíta, ao servizo das veciñas e veciños.
No hay comentarios:
Publicar un comentario