O
CONSELLO COMARCAL DE ESQUERDA UNIDA
COMPOSTELA, DENDE O RESPECTO Á PRESUNCIÓN DE INOCENCIA, ESIXE A DIMISIÓN
INMEDIATA DOS SETE EDÍS IMPUTADOS POR PREVARICACIÓN AO APROBAR O PAGO DO
AVOGADO A ADRIÁN VARELA.
O
CONSELLO COMARCAL DE EU COMPOSTELA DEMANDA A NÚÑEZ FEIJOO QUE ASUMA A SÚA RESPONSABILIDADE
E GARANTA A GOBERNABILIDADE DA CIDADE.
O Consello Comarcal de Esquerda Unida Compostela
pide a dimisión inmediata dos sete concelleiros e concelleiras imputados por
prevaricación e aos que se lles vai abrir xuízo oral.
Como xa expuxeramos o pasado 29 de xuño, era unha
barbaridade, nova mostra da decrepitude ética do Partido Popular, que se aprobara
que as concelleiras e concelleiros, imputados por presuntos delitos de
corrupción política, poidan acollerse a que sexan as veciñas e veciños cos seus
impostos as que paguen a súa defensa.
Pero tal e como están a mostrar os acontecemento,
esta medida, non so é inmoral, se non que según a propia xustiza hai indicios
para que ademais sexa ilegal. O Concello non pode seguir así, é máis que
evidente que o inepto equipo de goberno do Partido Popular é incapaz de
gobernar a cidade.
Por suposto será a xustiza, a través do pertinente
proceso que se acaba de abrir, a que ditamine se Amelia González, Juan de la
Fuente, Cecilia Sierra, María Pardo, María Castelao, Francisco Noya e Luis
García Bello, son culpables de prevaricación, pero por decencia e respecto ás
veciñas e veciños deben dimitir ou ser cesados.
Se a covardía de Ángel Currás e do seu equipo de
goberno, aplicando os seus egoístas intereses, impiden que deixen a un lado as
súas ansias de poder e abandonen os seus cargos públicos, perpetuando a
ingobernabilidade que abafa o porvir desta cidade, é obrigatorio que se tomen
as medidas necesarias para evitalo.
É obrigatorio e necesario que o señor Núñez Feijoo
asuma as súas responsabilidades e de inmediato tome as decisións oportunas para
garantir o benestar das veciñas e veciños. Por desgraza a medida que dende o
Consello Comarcal de EU Compostela vimos demandando dende o pasado 15 de
xaneiro de 2013, o adianto de eleccións, faise inviable por mor da inoperancia
mostrada polo PP tanto a nivel local, autonómico e estatal.
Por tal motivo a solución menos mala á que o
Partido Popular abocou á cidadanía de Santiago é a disolución da corporación
municipal e que sexa unha xestora a que rexa o Concello ata as próximas
eleccións municipais de maio de 2015
No hay comentarios:
Publicar un comentario