O Consello Comarcal
de Esquerda Unida Compostela considera que o Concello debe garantir que os
espazos públicos da cidade estean debidamente acondicionados para que as
veciñas e veciños poidan disfrutalos.
Por suposto
defendemos que se promova que Santiago sexa cada vez máis una cidade verde e
sustentable medioambientalmente. Pero o ecoloxismo non só se basea na creación
de novos parques e zonas verdes, ao igual que non é suficiente a colocación de
plantas polas rúas urbanizadas da cidade para que a contaminación diminúa. O
Concello é consciente disto, sendo este ámbito da súa política outro punto
pendente da súa nefasta xestión.
A nosa cidade debe
seguir avanzando en políticas verdes como a loita contra a contaminación
lumínica ou a polución dos vehículos que por ela transitan, reivindicacións xa
antigas desta organización e do movemento ecoloxistas. Estes son só algúns dos
exemplos que reivindicamos, mais nesta ocasión só nos centraremos nunha
exixencia en concreto: a falta de papeleiras para o lixo no parque de Bonaval.
Como é lóxico e
normal moita xente aproveita os parques da cidade, sobre todo co bo tempo, para
xuntarse e poder disfrutar, por exemplo, destas zonas verdes facendo comidas ou
merendas ao aire libre. Polo que é factible xerar residuos como papeis,
plásticos ou residuos orgánicos. Polo que sería aconsellable que en Bonaval se
instalasen diversos puntos de recollida deste residuos sólidos urbanos.
Sendo aínda mellor
opción se, como se pode ver por exemplo en aeroportos, estas papeleiras, de
reducido tamaño, tivesen a posibilidade de dividir este residuos entre papel e
cartón, materiais plásticos e residuos orgánicos para así lograr dende o inicio
un tratamento sustentable e ecolóxico dos RSU.
Por suposto somos
coñecedores das dificultades que este parque en concreto ten para poder levar a
cabo calquera modificación no seu mobiliario. Mais non pode ser obstáculo para
que o antes posible o Concello cumpra coa súa obriga e abra o proceso necesario
para acadar esta mellora que Bonaval necesita.
Por todo isto o
Consello Comarcal de Esquerda Unida Compostela propón ao Pleno do concello de
Santiago a seguinte proposta de
ACORDOS
Primeiro. Que o Concello abra o proceso
necesario para conseguir habilitar as papeleiras que sexan necesarias no parque
de Bonaval.
Segundo. Que o Concello leve a cabo un
estudo sobre as necesidades de cada espazo público para garantir a súa limpeza,
promovendo a instalación de papeleiras que axuden a correcta separación dos
residuos sólidos urbanos
No hay comentarios:
Publicar un comentario