Xuntanza coa Federación ANPAS Compostela

O CONSELLO COMARCAL  DE ESQUERDA UNIDA COMPOSTELA MANTÉN UNHA XUNTANZA COA FEDERACIÓN ANPAS COMPOSTELA.

O CONSELLO COMARCAL DE EU COMPOSTELA ESIXE AO CONCELLO QUE CUMPRA COA SÚA OBRIGA E MANTEÑA OS COLEXIOS DA CIDADE EN CORRECTAS CONDICIÓNS PARA GARANTIR UN ENSINO PÚBLICO DE CALIDADE.

Os membros do Consello Comarcal de EU Compostela, José María Tubío e Vicente Vázquez, mantiveron un encontro con representantes da Federación de ANPAS Compostela.

No comezo da xuntanza dende a Federacións de ANPAS expuxeron as graves deficiencias no mantemento dos colexios públicos que está a acontecer na cidade. Como claro exemplo desta situación está o colexio Montes dos Postes, que según o indicando na xuntanza urxe reparacións de inmediato para garantir unhas condicións mínimas que garantan a seguridade e saúde do alumnado.

Por desgraza o deficitario mantemento das escolas das cidade vai máis aló deste caso, sendo habitual nestas instalacións públicas problemas con pingueiras, coa calefacción ou, por exemplo, cos servizos.

Dende o Consello Comarcal de Esquerda Unida Compostela esiximos ao goberno local do Partido Público que cumpra coa súa obriga e fago todo o necesario para conseguir o correcto mantemento das escolas da cidade.

Tal e como se falou na xuntanza, consideramos máis que necesario a creación de protocolos de actuación para garantir o mantemento destas instalacións públicas de maneira eficiente, por suposto para a elaboración deste protocolos débese contar coa participación tanto das nais e pais do alumnado como co equipo rector dos distintos colexios.

Tamén é máis que necesario planificar debidamente todas as actuacións que se leven a cabo nos colexios, para evitar tanto a improvisación como as “chapuzas” como, por exemplo, a reutilización de estancias dos colexios como comedores, que nin satisfacen as demandas existentes nin poden ser solución definitiva.

Apoiamos as demandas da Federación de ANPAS de que o Concello debe ser parte activa para que os espazos de conciliación cubran as necesidades existentes, e que se debe procurar que os colexios estean abertos nos períodos non lectivos tanto para ofrecer actividades ao alumnado como para prestar servizo ao resto da cidadanía

Por último criticamos a nefasta xestión do Partido Popular, tamén neste ámbito competencial, e a carencia de vontade política para gobernar este cidade velando polo beneficio da maioría social