O
CONSELLO COMARCAL DE ESQUERDA UNIDA COMPOSTELA REXEITA OS DANOS QUE SE CAUSAN
NA ZONA VELLA DA CIDADE POLO USO INDEVIDO DO ESPAZO PÚBLICO
O
CONSELLO COMARCAL DE EU COMPOSTELA APOSTA POLO USO RESPONSÁBEL DO PATRIMONIO
Para o Consello Comarcal de Esquerda Unida
Compostela a defensa do patrimonio da cidade, a súa conservación e acceso ao
público é unha prioridade, xa que Santiago é unha localidade chea de marabillas
e tesouros que pertencen a toda a cidadanía.
O pasado sábado 10 de agosto leváronse a cabo
unhas actividades na Praza da Quintana dos Vivos, nas que facía falta suxeitar
unhas estruturas de metal. Estas ataduras realizáronse directamente dende as
pedras da praza, supoñendo un dano ás mesmas.
Este Consello Comarcal sempre está a favor de
fomentar as actividades culturais e deportivas na rúa, polo que non
manifestamos que as actividades non se tiveran que desenvolver senón que o
concello volve a pecar de neglixente ao non facilitar outras opcións para
levalas a cabo que non provoquen o deterioro da cidade.
En palabras de Noel Dopazo, responsable de cultura
e patrimonio do Consello Comarcal de Esquerda Unida Compostela, “o Concello
parece non ser consciente de que a zona vella da cidade é patrimonio da
humanidade e debe ser conservado e protexido. Obviamente, a administración do
Partido Popular non está a facelo ben”.
Dende o Consello Comarcal de Esquerda Unida
Compostela queremos pedir ao Concello que comece a exercer as súas funcións
como é debido e que non volva a poñer en perigo o tesouro patrimonial da nosa
cidade.
