Aberración terraza en Porta Faxeira

DENDE O CONSELLO COMARCAL DE EU COMPOSTELA DENUNCIAMOS A ABERRACIÓN DA TERRAZA PRIVADA, OCUPANDO A VÍA PÚBLICA, EN PORTA FAXEIRA

O CONSELLO COMARCAL DE EU COMPOSTELA VE LAMENTABLE QUE O CONCELLO O PERMITIRA E NON FAGA TODO O POSIBLE PARA CORREXIR O SEU GRAVÍSIMO ERRO.

O Consello Comarcal de EU Compostela sempre busca conservar e protexer a zona vella da cidade, así como todos os espazos públicos de Santiago, que son das veciñas e veciños.

 

Nos últimos días vimos de coñecer a polémica desatada pola construción dunha terraza privada en Porta Faxeira por parte dun local comercial privado, invadindo e ocupando permanentemente a vía pública, co consentimento do Concello, gobernado polo incompetente Partido Popular.

Cando falamos de polémica e de incompetencia por parte do PP non o facemos en balde, posto que o Colexio de Arquitectos da cidade declarou dita terraza como ilegal, denunciando ademais que a ordenanza municipal de terrazas e quioscos de hostalería aprobada polo PP, estaba prevalecendo sobre o Plan Especial da Cidade Histórica, sendo nefasta a xestión do Partido Popular no relativo á conservación do patrimonio da cidade.

Para o responsable de Patrimonio e Cultura do Consello Comarcal de EU Compostela, Noel Dopazo Vázquez, “é inadmisible que o PP estea a ignorar ao Colexio de Arquitectos e á cidadanía que protesta contra o agravio que supón esta aberración terraza”. Para Dopazo, “o PP demostra a súa decadencia ética e moral, unha vez máis, con este asunto, poñendo por riba dos intereses xerais os dun negocio privado.

Dende o Consello Comarcal de EU Compostela denunciamos estes feitos e esiximos a inmediata retirada da terraza.