O
CONSELLO COMARCAL DE ESQUERDA UNIDA
COMPOSTELA CONSIDERA OPORTUNA A INHABILITACIÓN A CONDE ROA PARA CARGO PÚBLICO
POLA CREBA DE CONFIANZA NA CIDADANÍA QUE O SEU DELITO SUPÓN.
O
CONSELLO COMARCAL DE EU COMPOSTELA AGARDA SE SIGAN INVESTIGANDO, XULGANDO E
CONDEANDO AS ACCIÓNS PRESUNTAMENTE CORRUPTAS DOS CARGOS PÚBLICOS QUE ARRUINAN A
DEMOCRACIA EN SANTIAGO
O Consello Comarcal de Esquerda Unida Compostela
valora positivamente que a xustiza, amén da condea que considere oportuna,
castigue coa inhabilitación para cargo público a aquelas persoas que atenten
contra o sistema público de todas e todos, sexa cal sexa o delito.
A sentenza condenatoria con Conde Roa debe ser un
exemplo a seguir contra a corrupción que afecta a moitas persoas, que baixo
amparo dos partidos do sistema, buscan o seu beneficio persoal a costa da
cidadanía, a costa da Democracia.
É execrable o que o Partido Popular esta a facer
contra a nosa cidade, contra Santiago. É lamentable o fedor a corrupción que
emana do Concello e se investiga nas operacións xudiciais Pokemon e Manga.
Demandamos que a xustiza actúe con dilixencia e xulgue definitivamente, e
condee se é preciso, as presuntas
accións corruptas do equipo de goberno de Ángel Currás e que se ditamine a
culpabilidade ou non de todos os cargos públicos implicados nas investigacións
xudiciais que paralizan o Concello de Santiago ao mesmo tempo que levan á ruína
á ética e á propia democracia.
Por desgraza, é evidente que a ética e a moral fuxiron
fai tempo deste Concello. Como é posible, por exemplo, que Juan de la Fuente
siga sendo concelleiro, como pode representar as veciñas e veciños un
concelleiro que se negou a testificar ante un xuíz, é un dereito que todos
temos como cidadáns, pero como cargo público ou es transparente na túa xestión
ou a dimisión é o único camiño.
Para o Consello Comarcal de EU Compostela, hoxe
máis que nunca, a Democracia Participativa ten que ser unha realidade no día a
día das veciñas e veciños, teñen que comprobar que a súa participación na vida
do Concello é moito máis que ir a votar unha vez cada catro anos. Se co PSdeG e
BNG era unha utopía, co PP unha quimera.
Como é posible que a cidadanía non poda todavía
ser partícipe na elaboración dos orzamentos municipais. Cal é o medo dos
partidos do sistema a escoitar as veciñas e veciños e facer real a nosa demanda
de Orzamentos Participativos?
O Consello Comarcal de Esquerda Unida Compostela
mantén firme o seu compromiso para que sexan a transparencia, a ética e a moral
as que gobernen esta cidade, e non o lucro persoal, os tratos de favores, o clientelismo e a
corrupción.
No hay comentarios:
Publicar un comentario