O Consello Comarcal
de Esquerda Unida Compostela considera que o grao de contaminación lumínica na
cidade de Santiago de Compostela é demasiado elevado.
Sen dúbida a cidade
de Santiago de Compostela medrou moito na última década. O que inevitablemente
conlevou a extensión do sistema eléctrico municipal considerablemente sen ter
realizado un estudo previo dos problemas, non so económicos, senón tamén
medioambientais que se poderían derivar de dita extensión.
O Consello Comarcal
de Esquerda Unida Compostela é consciente da tripla problemática que xenera a
contaminación lumínica:
Pois en primeiro
lugar é un problema de contaminación medioambiental importante, pois aínda que
semella que os seus efectos son inocuos, a realidade é moi distinta; pois un
elevado grao de contaminación lumínica afecta a tódolos seres vivos da zona afectada, incluíndo ás persoas, sendo o
principal síntoma o trastorno do sono, que provoca a súa vez cansazo, xa que o
exceso de luminosidade impide que os seres vivos descansen pola noite
adecuadamente, e tamén pérdida de recepción sensorial que se ben é provocada
polo cansazo, os danos unha vez producidos poden chegar a ser irreversibles.
Por outra banda o exceso de luminosidade provoca tamén que as plantas no
realicen adecuadamente a fotosíntese e teñan que consumir máis minerais da
terra para subsistir o que provoca a medio/longo prazo a esterilización desta
terra.
En segundo lugar é
un problema económico importante, non só a nivel local senón tamén autonómico e
estatal. Pois o sistema de alumeado público, provoca un consumo enerxético
elevado que acaba repercutindo considerablemente nas arcas públicas. Se ben as
medidas de aforro requirirán un desembolso inicial importante, posto que sería
preciso cambiar todo o alumeado, dito gasto poderíase amortizar nun período non
superior os 2 anos, e suporía un aforro na partida correspondente do 50% en caso
de substituír as bombilllas tradicionais por bombillas de baixo consumo; ou un
aforro do 85% na partida correspondente en caso de substituír as bombillas
tradicionais por bombillas LED tendo en conta que este tipo de bombillas non se
funden nunca e non perden luminosidade mínimo transcorridos 12 anos.
E en terceiro lugar
o problema é a ausencia de regulación local, autonómica e estatal. Da a
impresión de que as institucións locais, autonómicas e estatais, ignoran por
completo o problema da contaminación lumínica, posto que non existe regulación
o respecto. Polo que dende o Consello Comarcal de Esquerda Unida Compostela
queremos facer chegar esta moción para
que sexan conscientes de dita problemática e comecen, tralo pertinente debate e
participación cidadá, a lexislar ao respecto para atallar este problema. Posto
que consideramos que a ausencia de ordenanzas ou de leis nun tema determinado
non é escusa para que as institucións non fagan nada o respecto e permaneza
impasibles ante os problemas non regulados.
Por todo isto o
Consello Comarcal de Esquerda Unida Compostela propón ao Pleno do concello de
Santiago a seguinte proposta de
ACORDOS
Primeiro. Cambiar tódalas bombillas
tradicionais e de baixo consumo no alumeado público por bombillas LED, pois
implicaría un aforro no alumeado público entre o 35 e 85% dependendo da
bombilla que se substitúa.
Segundo.
Elaboración, tralo pertinente debate e participación das persoas ou colectivos
interesados en colaborar, dunha ordenanza que, entre outras cuestións, obrigue
a grandes superficies comerciais a non ter tellados de cristal, focos ou
elementos luminosos que proxecten luz cara o ceo e que a iluminación do
complexo se realice mediante bombillas LED. Así mesmo deberase gravar cun
imposto verde as grandes superficies comerciais que incumpran dita ordenanza
No hay comentarios:
Publicar un comentario