O
CONSELLO COMARCAL DE ESQUERDA UNIDA COMPOSTELA ESIXE A DIMISIÓN OU CESE
INMEDIATO DE JUAN DE LA FUENTE.
O
CONSELLO COMARCAL DE EU COMPOSTELA CONSIDERA QUE SE CURRÁS NON ACTÚA
DEBIDAMENTE DEBE RENUNCIAR Á ALCALDÍA.
O Consello Comarcal de Esquerda Unida Compostela,
respectando que está no seu dereito legal, considera inadmisible que Juan de la
Fuente se negara a declarar ante o xuíz. Dimisión ou cese xa.
Non negamos que sexa un dereito legal de calquera
imputado negarse a declarar ante un xuíz, pero como cargo público, por ética e
moral, Juan de la Fuente non debe facer uso dese dereito ao estar sometido á
obriga ante a cidadanía de dar todas as explicacións que se lle esixan.
Unha vez máis, como xa levamos demandando dende o 16
de marzo, Juan de la Fuente ten que dimitir ou ser cesado de calquera tipo de
responsabilidade no Concello, por suposto respectamos a súa presunción de
inocencia, pero este concelleiro denigra á Institución local cos seus comportamentos
e actuacións. Dimisión ou cese xa.
Por suposto se a decrepitude ética do señor Juan
de la Fuente fai que se aferre ao cargo que ostenta, é obrigatorio que o
alcalde Ángel Currás actúe de inmediato e, en primeiro lugar, o cese de todas
as súas responsabilidades e, por suposto, censure publicamente a execrable
actuación deste concelleiro neste caso das facturas falsas e lle reclame a
dimisión
Se o señor Currás mantén a súa covardía e
ineptitude, que tanto está a prexudicar á maioría social desta cidade, e non
actúa debidamente contra a execrables actuacións de Juan de la Fuente, debe
dimitir como alcalde e concelleiro posto que, por decencia, queda inhabilitado
para cargo público.
Por último reiterar que por hixiene democrática, se
leve a cabo o adianto de eleccións municipais para que a cidadanía, coa voz do
seu voto, decida o futuro que quere para Santiago, non sería tolerable, como
parece, que co beneplácito tanto do PP como do PSdG, sexa unha xestora ou
troica a que rexa esta cidade. O futuro da cidade ten que decidilo as veciñas e
veciños coa Democracia das urnas.
Por suposto, se o nefasto equipo de goberno local
do PP, non ten a suficiente ética para botarse a un lado, polo ben da cidadanía,
e reclamar a disolución do Concello e o adianto de eleccións municipais, deber
ser o señor Feijoo o que ten que asumir as responsabilidades que implica ser o
presidente da Xunta e, ante o dano que se está ocasionando á cidade, se obrigue
a todos os cargos imputados nas tramas de corrupción investigadas pola xustiza,
se ben respectando a súa presunción de inocencia, a dimitir e a demandar e
conseguir o adianto de eleccións municipais.
No hay comentarios:
Publicar un comentario