O
CONSELLO COMARCAL DE ESQUERDA UNIDA COMPOSTELA REITERA A SÚA DEFENSA E LOITA
POR ACADAR A DEMOCRACIA PARTICIPATIVA.
O
CONSELLO COMARCAL DE EU COMPOSTELA PROSEGUIRÁ CO SEU TRABALLO POLÍTICO DENDE AS
RÚAS PESE AOS IMPEDIMENTOS QUE O SISTEMA IMPÓN PARA LIMITAR A PARTICIPACIÓN
DEMOCRÁTICA.
O Consello Comarcal de Esquerda Unida Compostela
defende a necesidade de avanzar na Democracia Participativa da cidadanía moito
máis aló do, necesario pero insuficiente, voto cada catro anos.
Tal e como sempre manifestamos, e levamos como un
dos puntos principais do noso programa electoral, consideramos que para acadar
esta Democracia Participativa é necesaria a involucración da Administración
Pública local mediante a redacción dun novo Regulamento de Participación Cidadá,
no que entre outros aspectos se disporá o seguinte:
En primeiro lugar unha carta de dereitos de
veciños e veciñas no que se recollerán os dereitos veciñais, tales como,
dereito de petición, dereito de intervención nas sesións públicas, dereito de
consulta ou referendo e dereito á información.
Tamén se regularían a implementación dunha serie
de medidas organizativas e estruturais como, por exemplo, elaboración de un
Plan de Formación cidadá, creación de Foros Cívicos de Consellos Sectoriais,
Asembleas de Barrios e, entre outras, Audiencias Públicas (orzamentos,
urbanismo...).
Por último neste novo Regulamento de Participación
Cidadá se fixaría a creación dos necesarios órganos de Participación Cidadá,
como o Consello do distrito (constituídos polos Asembleas de Barrio con
cadanseus consellos), Asemblea Sectorial e Consello de Movemento Veciñal.
Todas estas medidas organizativas e estruturais,
ademais de fomentar a participación real da cidadanía no Concello, estarán
tamén encamiñadas en acadar o antes posible a consecución dos Orzamentos
Participativos.
Os Orzamentos Participativos supoñen unha aposta
innovadora de co-xestión pública cidadá que propugna como principio básico a
Democracia Directa para a planificación comunitaria dos recursos públicos
municipais, teñen como obxectivo principal xerar un espazo cidadá de debate e
decisión
Mais se antes co bipartito do PSdeG e o BNG a
Democracia Participativa era unha utopía, coa chegada do Partido Popular
converteuse nunha quimera poder acercarse a que a cidadanía representen para os
partidos do sistema algo máis que un voto cada catro anos.
Pese a que, según o PP, a lei indica que Esquerda
Unida non ten lexitimación activa para presentar directamente mocións ou
proposicións, e tamén que non hai razón legal que obrigue ao Concello a que
conteste ás preguntas que presentamos, nós seguiremos traballando.
Seguiremos presentando propostas, como a
regulación semafórica de Pitelos, o servizo de mediación cidadá ou a taxa aos
caixeiros, coa intención de que por respecto democrático se teñan en
consideración e se estuden.
Seguiremos presentando preguntas que fiscalicen o
traballo do equipo de goberno por responsabilidade coas persoas que depositaron
a súa confianza nesta organización para que leve a loita anticapitalista da
esquerda alternativa e transformadora ao Concello.
En definitiva, pese aos intentos da burocracia
legalista dos partidos do sistema, o Consello Comarcal de Esquerda Unida
Compostela proseguirá o traballo que leva anos facendo, e ademais de estar nas
rúas coas veciñas e veciños, seguirá presentando propostas e preguntas que
cimenten o seu traballo para mudar as políticas austericidas que abafan esta
cidade
No hay comentarios:
Publicar un comentario