O
CONSELLO COMARCAL DE ESQUERDA UNIDA COMPOSTELA, RESPECTANDO A PRESUNCIÓN DE
INOCENCIA, REITERA QUE O ESCÁNDALO CONTINUADO LESIONA A DEMOCRACIA E A IMAXE DO
CONCELLO E PEDIMOS A DIMISIÓN DE TODOS OS CARGOS PÚBLICOS IMPUTADOS EN CASOS DE
CORRUPCIÓN.
O
CONSELLO COMARCAL DE EU COMPOSTELA ESIXE O ADIANTO DAS ELECCIÓNS MUNICIPAIS
COMO SOLUCIÓN E REXERACIÓN QUE ESTE CONCELLO PRECISA.
O Consello Comarcal de Esquerda Unida, dende o
respecto á presunción de inocencia, pide a dimisión do concelleiro Adrián
Varela pola súa imputación no proceso xudicial denominado “Pokemon”.
Como sempre defendemos será a xustiza quen ditamine
en bases as leis a posible culpabilidade dos diferentes concelleiros e
concelleiras de Santiago nos delitos que se lle acusan, pero consideramos que
por ética, e por respecto as veciñas e veciños, calquera persoa imputada na
Pokemon debe dimitir.
Por desgraza as cloacas do Concello desprenden un
fedor a corrupción noxento, e como xa temos denunciado, en diversas ocasións, son
constantes as vulneracións aos dereitos cidadáns que o goberno local do PP está
practicando: o peche dos Plenos á cidadanía, a censura a actuacións en espazos
públicos, a privatización das rúas e prazas e outra medidas que son propias de
gobernos totalitarios e antidemocráticos. A todo isto, ademais, témoslle que
engadir unha nefasta política económica e social que prexudican a Santiago.
O Consello Comarcal de Esquerda Unida Compostela
reitera que a máis que manifesta ingobernabilidade que padece o Concello,
froito da decrepitude moral do goberno do Partido Popular e das nefastas políticas
antisociais do equipo de goberno de Currás, ten que rematar.
Por iso unha vez máis, esiximos, por hixiene
democrática, que se leve a cabo o adianto de eleccións municipais para que a
cidadanía, coa voz do seu voto, decida o futuro que quere para Santiago.
Por último se a covardía e ineptitude de Ángel
Currás non permite avanzar para que sexa a democracia a que decida o porvir da
cidade, non unha innecesaria e prexudicial xestora ou troica, ten que ser o
presidente da Xunta de Galicia o que cumpra coa súa obriga, pida a disolución
do Concello e a inmediata convocatoria de eleccións.
Por suposto non se trata de que Feijoo volva
“pedir desculpas” e dicir que o que acontece en Santiago non é normal, senón de
asumir as responsabilidades que implica o cargo público e, ante o dano que se
está ocasionando á cidade, se obrigue a todos os cargos imputados nas tramas de
corrupción investigadas pola xustiza, se ben respectando a súa presunción de
inocencia, a dimitir
No hay comentarios:
Publicar un comentario