O
CONSELLO COMARCAL DE ESQUERDA UNIDA COMPOSTELA CRITICA A XESTIÓN DAS
SUBVENCIÓNS QUE LEVA A CABO O CONCELLO.
O
CONSELLO COMARCAL DE EU COMPOSTELA RECLAMA UN DEBATE SOBRE O CRITERIO QUE DEBE
REXER A CONCESIÓN DE AXUDAS PÚBLICAS
O Consello Comarcal de Esquerda Unida Compostela
considera necesario que o Concello articule debidamente a participación cidadá
na cidade.
É evidente que para este obxectivo é necesario, entroutros
feitos, colaborar e potenciar o asociacionismo local, en todas as súas vertentes,
quen de acadar a implicación da cidadanía.
O PP demostra con estas decisións que na súa folla
de ruta neoliberal a cultura non é un dereito ao que coidar e fortalecer, senón
un gasto no que poder recortar.
O Consello Comarcal de Esquerda Unida Compostela
considera innecesaria e fondamente prexudicial a anunciada retirada de axudas
públicas a diferentes colectivos culturais da cidade.
Xa en febreiro tivemos que denunciar que unha das
últimas aberracións deste goberno do PP foi “conseguir” a suspensión do
festival AMAL, que hoxe ten a súa continuación coa retirada total de
subvencións á Fundación Araguaney.
Dende o Consello Comarcal de EU Compostela
consideramos necesario que mediante un debate cos distintos colectivos da
cidade se elaboren uns criterios que deberán rexer para a concesión de axudas
públicas.
Consideramos que se debe garantir unha
distribución igualitaria dos recursos, de tal forma que non se exclúan das
mesmas a aqueles colectivos que, co seu esforzo, contribúen a dinamizar a
cultura local e achegar experiencias positivas aos veciños e veciñas dos diferentes
barrios da cidade.
Desde o Consello Comarcal de Esquerda Unida
Compostela consideramos insultante que o equipo de goberno silencie que se
destinan inxentes cantidades de diñeiro á Cidade da Cultura, mentres que se
negan axudas de pequenas cantidades, pero moi relevantes e necesarias para os
colectivos que as precisan.
Semella que o Partido Popular local entrou nunha
confabulación co autonómico para baleirar de contidos culturais aos barrios da
nosa cidade, e así ‘obrigar’ a un desprazamento cara a Cidade da Cultura quen
de xustificar o desbaldimento de recursos da CdC.
Reivindicamos a necesidade de que a administración
pública local apoie o tecido asociativo cultural da nosa cidade. É a mellor
maneira de garantir o dereito ao acceso á cultura.
No hay comentarios:
Publicar un comentario