O Consello Comarcal de Esquerda Unida Compostela considera necesario que o
Concello fomente a práctica deportiva entre a cidadanía.
Unha das mellores maneiras de fomentar a costume saudable da actividade
física, é a creación das carreiras populares a pé, por suposto sen isto impedir
que o Concello procure a promoción doutras modalidades lúdico-deportivas que
acaden este obxectivo.
Afortunadamente na nosa cidade temos a posibilidade de disfrutar, no mes de
outubro, da carreira pedestre organizada polo Grupo Correo Gallego,
multitudinaria mostra de que, non só as veciñas e veciños de Santiago, apoian
coa súa presenza que se leven a cabo este tipo de actividades.
O ano pasado, nos meses de xuño, xullo, setembro e outubro, leváronse a
cabo catro carreiras no denominado “CorreSAN”, que agardamos teña continuidade
neste ano, ademais de apoiar a celebracións dos distintos campionatos de
atletismo, ou calquera outro deporte, que se podan levar a cabo na nosa cidade,
ou carreiras solidarias que soliciten o apoio a este Concello.
Mais sendo moi bo a celebración destas carreiras, consideramos insuficiente
que como fomento real e efectivo da practica deportiva mediante as carreiras
populares a pé, a labor do Concello se limite ao total e necesario apoio a
Carreira Pedestre e, agardamos que sexa así, o mantemento do Circuíto de
Carreiras Saudables CorreSAN.
A Promoción por parte do Concello de cinco carreiras populares ao ano é
insuficiente, por iso, o 9 de outubro de 2009, presentáramos unha moción na que
para a incentivación do deporte solicitábamos a creación de carreiras
populares.
Para a confección destas carreiras, obviamente contando coa participación
do movemento veciñal e dos colectivos dedicados ao deporte do atletismo na
cidade, dende o Consello Comarcal de EU propoñiamos: Milla urbana (1.609 m), Compostela 5.000 (5.000m), A do Demo (6.666 m), Compostela 10000 (10.000 m) e Media Maratón (21.098 m).
Por todo isto, o Consello Comarcal de Esquerda Unida realiza as seguintes
preguntas para a súa resposta por escrito:
- Que medidas ten previsto o Concello utilizar para fomentar de forma real e efectiva as carreiras populares en Santiago?
- Manterá o Concello a celebración do CorreSAN?
No hay comentarios:
Publicar un comentario