O Consello Comarcal de Esquerda Unida Compostela
considera importante que o Concello ofreza a cidadanía espazos públicos onde
desenvolver un ocio alternativo.
Por tal motivo presentamos, o 9 de novembro de
2007, unha moción pedindo a creación da Vía Verde Amio-Sigüeiro, cun alto valor
paisaxístico e cunha lonxitude aproximada de 12 quilómetros. Esta vía vai dende
Amio a Sigüeiro, pasando pola Sionlla e por Verdía, treito no que cruza o val
do río Tambre e do río Sionlla, destacando unha ponte sobre este último río.
Esta necesaria actuación aportaría á cidadanía un
lugar único para actividades saudables e deportivas, como pasear, practicar
atletismo, andar en bicicleta entre outras moitas. Ademais axudaría a ampliar a
oferta turística da nosa cidade, no sector denominado turismo verde,
escasamente fomentado nesta cidade.
Por suposto, como sempre defendemos con calquera
actuación, sería necesario abrir o pertinente debate co tecido asociativo da
cidade, entre outros con asociacións deportivas ou de sendeirismo, co fin de
lograr a mellor execución do proxecto desta Vía Verde.
Dende o Consello Comarcal de EU defendemos que se
dispoña dun firme axeitado para que persoas con discapacidade poidan utilizar
este espazo público, pois o lecer debe integrar a toda a cidadanía.
Entre outras moitas cuestións consideramos oportuno
que, ademais de Amio e Sigüeiro, se creen accesos dende as estacións da Sionlla
e de Verdía, habilitando a iluminación suficiente nos túneles, alimentada por
paneis solares, e dispoñendo dunha estrutura fixa de seguridade na ponte sobre
o río Sionlla.
Tamén consideramos necesario que se dote a esta Vía
Verde o mobiliario necesario e preciso, dende papeleiras, bancos, lugares de
quecemento muscular ata os accesorios que se decidan no debate levado a cabo.
Por suposto consideramos deber do Concello
solicitar canta axuda sexa pertinente a nivel autonómico, estatal e europeo
para facer realidade este espazo público
Por todo isto, o Consello Comarcal de Esquerda
Unida realiza as seguintes preguntas para a súa resposta por escrito:
- Que medidas ten previsto o Concello realizar para facer realidade a Vía Verde Amio-Sigüeiro?
No hay comentarios:
Publicar un comentario