O
CONSELLO COMARCAL DE ESQUERDA UNIDA COMPOSTELA PRESENTA ANTE A FISCALÍA UNHA
DENUNCIA POR PRESUNTA PREVARIACIÓN CONTRA ÁNGEL CURRÁS POR PROHIBIRNOS A
ENTRADA AOS PLENOS.
O
CONSELLO COMARCAL DE EU COMPOSTELA PIDE A INHABILITACIÓN PARA ÁNGEL CURRÁS POLO
SEU COMPORTAMENTO ANTIDEMOCRÁTICO.
O coordinador comarcal de EU Compostela, Xabier
Ron, e o secretario de comunicación, Vicente Vázquez, presentaron unha denuncia
contra Ángel Currás ante a fiscalía de área de Santiago de Compostela.
A razón que xustifica este demanda e a prohibición
de entrada ás sesións plenarias dos representantes do Consello Comarcal de
Esquerda Unida Compostela, este feito ocorreu no Pleno de decembro de 2012, no
Pleno ordinario e extraordinario de xaneiro e no Pleno de marzo.
Na defensa dos nosos dereitos como organización
política, presentamos o 5 de febreiro un petición debidamente rexistrada para
poder asistir a o Pleno, pedindo tamén que se habiliten os medios necesarios
para seguir a sesión plenaria en caso de que o aforo este completo.
Proseguindo os cauces legais debidos para a
defensa dos nosos dereitos o 14 de febreiro presentamos unha queixa ante o
Valedor do Pobo sobre a prohibición de entrada a Plenos, que foi admitida,
pedindo que ao Concello as debidas explicacións.
Proseguindo co orde cronolóxico dos
acontecementos, expoñemos que no Pleno do mes de marzo foi prohibida a nosa
entrada á sesión plenaria, polo que o 22 de marzo presentamos un escrito,
debidamente rexistrado, no que pedimos ao Concello que nos informe dos motivos
que impediron a nosa entrada ao Pleno, que se nos certifique o motivo de
entrada das persoas que si puideron entrar e, por último, que se amplíe a
difusión do Pleno por diferentes medios, internet, circuítos de vídeo etc.
O que para nós claramente certifica a presunta
prevaricación do alcalde Ángel Currás por prohibirnos a entrada aos Plenos, é o
informe da asesoría xurídica do Concello que non se nos remite ate o 9 de
abril, pese a ser emito polo Secretario Xeral do Pleno da Corporación o 19 de
febreiro en relación co escrito presentado o 5 de febreiro.
Nas conclusións expresadas polo Secretario Xeral
do Pleno pódese ler:
“... debemos concluir diciendo que debe
garantizarse la entrada en el Salón del Pleno de ciudadanía, o adoptar los
medios necesarios para que las deliberaciones
puedan llegar al mayor número posible de vecinos y vecinas, no pudiendo
negarle la entrada excepto que por la mayoría absoluta se acuerde el secreto de
las deliberaciones y votaciones...”
Tamén se pode ler:
“Los Plenos son totalmente públicos [...] por lo
que según dice el Tribunal Supremo, cualquier género de limitación o censura en
la obtención de la información se convierte en una conculcación de los
principios informadores de los derechos de información, y participación de las
ciudadanos en el ámbito político y administrativo.”
O que para nós acredita tamén o comportamento
antidemocrático de Currás e presuntamente delictivo son as recomendacións
feitas polo Valedor do Pobo no seu informe ante a nosa queixa e que está datado
o 16 de abril.
Nestas recomendacións ao Concello pódese ler:
“Debe garantirse aos cidadáns o exercicio do
dereito de libre acceso ás sesións plenarias públicas...”
Tamén especifica nas súas recomendacións e se pode
ler:
“No suposto de limitacións derivadas da falta de
aforo suficiente do salón de Plenos, estas deben fundarse nun procedemento
obxectivo que evite arbitrariedades ou discriminacións e compensarse coa
utilización de sistemas de megafonía, circuítos de televisión ou redes de
comunicación tales como internet...”
Por todas estas cuestións expostas, e máis que
poderían certificar a nefasta e antidemocrática xestión de Ángel Currás,
presentamos a denuncia na que pedimos a súa inhabilitación para cargo público.
No hay comentarios:
Publicar un comentario