martes, 30 de diciembre de 2008

ESQUERDA UNIDA SOLICITA A DEMISIÓN DO CONSELLEIRO DE INDUSTRIA

Este comunicado remitiuse onte aos medios. Sabedores somos da súa repercusión en La Voz de Galicia.

*****


ESQUERDA UNIDA RECLAMA A APROBACIÓN PREVIA DO PLAN SECTORIAL EÓLICO E A AMPLIACIÓN DA REDE NATURA 2000

ESQUERDA UNIDA DEMANDA A DEMISIÓN DO CONSELLEIRO DE INDUSTRIA TRALO FIASCO DO CONCURSO EÓLICO

Esquerda Unida entende inaceptable a adxudicación do concurso eólico sen ter aprobado con anterioridade un novo plan sectorial eólico, vixente hoxendía o do PP, o cal lle resta toda coherencia ao diseño das renovables por parte de Industria e da Xunta.

Yolanda Díaz, Coordinadora Nacional de Esquerda Unida, reclamou un novo plan eólico elaborado sobre as bases da sustentabilidade e a participación cidadá. Sen este marco previo esta adxudicación semella improvisada e opaca, falla de transparencia, presa de batallas empresariais que n nada benefician ao noso país.

En consonancia co novo plan eólico que demanda EU e o conxunto do movemento ecoloxista, semella indispensable ampliar os espazos comprendidos na Rede Natura 2000 ao obxecto de propiciar a conservación da nosa riqueza natural. O actual concurso amplía a zonas fóra da actual ordenación eólica – a do PP – as susceptibles de ser explotadas, o cal prexuzga e condiciona o vindeiro plan eólico.

Esquerda Unida quere denunciar a perda da oportunidade de acadar unha presenza decisiva - e non residual – do sector público galego nun ámbito estratéxico, o da enerxía renovable. As renuncias da consellería e do conxunto da Xunta explícanse polas compracencias co discurso neoliberal imperante até onte na praxe de goberno do bipartito. Non compartimos a privatización do vento segundo consignou a Coordenadora Nacional de EU.

As carencias do proceso salpicaron de xeito inevitable o bipartito, coa retirada das consellarías do PSOE e nun marco de dúbidas e incertezas a teor das declaracións da conselleira de Política Territorial e do propio Presidente da Xunta.Todo elo nun contexto onde fallan os proxectos industriais – derrotado o traslado de ENCE da ría pontevedresa -, e carécese dunha avaliación ambiental estratéxica.

lunes, 29 de diciembre de 2008

CONCENTRACIÓN SILENCIOSA MAÑÁ NA PRAZA DO TOURAL ÁS 20H

Esquerda Unida apoia a concentración silenciosa covocada pola Coordinadora Galega pola Paz, na que participamos en tanto que membros integrantes do Foro de Inmigración:

****
As entidades e organizacións que forman parte da Coordinadora Galega pola Paz, da Iniciativa polos Dereitos Humanos, Coordinadora de ONGDs, Foro de Inmigración, Fundación Araguaney, etc. decidimos, en réxime de autoconvocatoria, CONCENTRARNOS DE URXENCIA NO TOURAL, EN COMPOSTELA, MAÑÁN, DÍA 30, MARTES, ÁS 20:00 HORAS, en solidariedade con Palestina e contra da barbarie sionista, ao tempo que reclamamos a intervención da comunidade internacional co obxecto de parar a violencia e o xenocidio do pobo palestino.
Será un acto silencioso no que suxerimos levar, veas e fulares palestinas, evitando así toda simboloxía partidaria.
****

animamos a todas as persoas a que pasen pola praza do Toural e apoien coa súa presenza o fin da barbarie.

Un saúdo
Xabier Ron
Coordinador Comarcal de Esquerda Unida

ESQUERDA UNIDA CONDEA AS MATANZAS DE PALESTINOS PERPETRADAS POR ISRAEL

ESQUERDA UNIDA CONDEA AS MATANZAS DE PALESTINOS PERPETRADAS POR ISRAEL COS SEUS ATAQUES Á FRANXA DE GAZA

A COORDINADORA NACIONAL, YOLANDA DÍAZ RECLAMA A SUSPENSIÓN DO ACORDO DE ASOCIACIÓN QUE A UE MANTÉN CON ISRAEL


Esquerda Unida quere denunciar a nova vaga de violencia terrorista de Estado, que o goberno israelí está a desenvolver sobre a poboación palestina na franxa de Gaza. Denuncia que fai extensiva á unha comunidade internacional que permite por activa ou pasiva o exercicio dunha violencia brutal e o mantemento de condicións de vida insoportables nos territorios ocupados, en aberto desafío dunha legalidade internacional violada reiteradamente por Israel coa complicidade dos EE.UU. e a propia Unión Europea.
Renuncias a facer cumprir a devandita legalidade que nestes días supuxeron preto de 300 mortos e un millar de feridos.


Yolanda Díaz, Coordinadora Nacional de EU, demanda que o Estado inicie diante da UE os trámites para que quede en suspenso o acordo de asociación con Israel do ano 2000, proposta que se acollería a cláusula segunda do devandito acordo que contempla este recurso no caso de violación dos dereitos humanos, o cal semella evidente diante de bombardeos sobre a poboación civil que xa causaron máis de douscentos mortos nesta semana pasada. A Coordenadora Nacional de EU cualificou os ataques do exército israelí como crimes de guerra. Violencia criminal que ten un cheiro electoral nas vésperas dunhas eleccións ao parlamento israelí, Knesset.

Esquerda Unida lembra a resolución do Parlamento Europeo de 10 de abril de 2002 no mesmo sentido de demandar a suspención do acordo de asociación namentras non cesen as violacións de dereitos humanos por parte do Estado de Israel.

Esquerda Unida esixe o cesamento de calquera venda de material militar ou policial ao Estado israelí namentras non remate a ocupación de Cisxordania e Gaza.

O estancamento e mesmo regresión das supostas negociacións de paz tendentes a conquerir a retirada israelí dos territorios ocupados, cando os Acordos de OSLO datan do ano 1993. O mantemento dos asentamentos coloniais nos territorios ocupados en violación das convencións de Xenebra, a construción dun muro de separación rexeitado pola Corte Internacional da Haya, as continuas agresións económicas aos palestinos, as humillacións cotiás dunha poboación ocupada indican a vontade criminal do goberno israelí de non rematar cunha situación condenada pola ONU.

A situación xerada pola violencia israelí vulnera a Declaración Universal dos DD.HH., a Cuarta Convención de Xenebra, o Pacto Internacional de Dereitos Civís e Políticos, o Pacto Internacional sobre Dereitos Económicos, Sociais e Culturais e maila Regulamentación Estandar Mínima das Nacións Unidas para o Tratamento de prisioneiros. Cómpre, xa que logo, unha intervención do goberno español e da comunidade internacional para facer respectar os dereitos do pobo palestino a vivir en liberdade na súa terra, ceibes da ocupación colonial israelí.

martes, 16 de diciembre de 2008

18 DECEMBRO, ÁS 20H NA PRAZA DE CERVANTES, CACEROLADA E REIVINDICACIÓN DE DEREITOS PARA AS PERSOAS MIGRANTES

Este xoves 18 de decembro na praza de Cervantes en Compostela terá lugar a concentración na que reivindicaremos dereitos para todas as persoas migrantes. "Non somos lixo, somos persoas". Xa abonda de chantaxes coa excusa da crise. Os dereitos non poden nin deben estar a expensas das veleidades dos gobernantes de turno: deben ser inalienables.

Esquerda Unida leva anos batallando por un triunfo das luces da liberdade, da igualdade e da fraternidade.

Animamos a que todas aquelas persoas libres das cadeas da alienación capitalista secunden e apoien a cacerolada coa súa presenza: a mellor maneira de crear desd o concreto unha alternativa viable ao sistema capitalista e seu terrorífico modo de organizar as relacións humanas.

lunes, 3 de noviembre de 2008

TOD@S SOMOS MIGRANTES. A LOITA POLA DIGNIDADE COMEZA NAS TÚAS RÚAS.

FORO DE INMIGRACIÓN

NOTA DE PRENSA

O Foro Galego de Inmigración formado polas asociacións e entidades recollidas abaixo presentou hoxe nunha rolda de prensa informativa celebrada ás 11 h na Galeria Sargadelos (Rúa Nova 16) en Santiago de Compostela o acto: TOD@S SOMOS INMIGRANTES

Este acto desenvolverase o vindeiro sábado día 8 de Novembro de forma paralela en Santiago, A Coruña, Vigo e Ourense, para facer público o noso compromiso con esta nosa sociedade de acollida e reivindicar os mesmos dereitos e deberes para todos e todas.

Os lugares nos que se desenvolverán os actos son: Praza Roxa en Santiago de Compostela, Praza de María Pita en A Coruña, Avda das Camelias en Vigo, e Rúa do Paseo en Ourense

Os actos que se desenvolverán entre as 11h e as 13 h, consistirán en:

- Reparto de balde de Pulseras informativas e solidarias coa lenda: “tod@s somos inmigrantes”.

- Reparto de folletos informativos.

- Concentración con Lectura de Manifesto.

- Xesto de Solidariedade e Compromiso: doazón colectiva de sangue dos e das participantes. Invitación ao conxunto da poboación a sumarse a esta acción solidaria. Nunhas cidades haberá Unidade Mobiles do Centro de Transfusión de Galicia e noutras as persoas participantes desprazaranse a un centro sanitario a realizar a doazón.

Fronte as actuacións políticas orientadas a limitar os dereitos das persoas inmigrantes en diferentes ámbitos polo goberno central e as institucións europeas, o Foro Galego de Inmigración co reparto de balde de pulseras solidarias e coa súa contribución simbólica e efectiva para aumentar as reservas de sangue da nosa comunidade autónoma, quere poñer de manifesto o desexo das persoas inmigrantes residentes en Galicia de vivir e traballar de forma conxunta co resto da sociedade para superar estes momentos difíciles de crise económica e aumento do desemprego, somos membros activos e activas desta sociedade e queremos contribuír solidariamente ao seu desenvolvemento, solicitando tamén os mesmos dereitos e deberes para todos e todas. O texto que leremos na Concentración incidirá nos seguintes puntos:

1.- Que as persoas inmigrantes vimos aquí para atopar un lugar no que poidamos vivir coas nosas familias en condicións dignas, pero que tamén contribuímos de forma notable ao desenvolvemento económico, cultural e social de Galicia e de España nos últimos anos.

2.- Que as persoas inmigrantes aportamos a nosa forza de traballo, pero tamén as nosas culturas, valores, ideas e coñecementos. A maior parte das veces non temos outra alternativa que emigrar dos nosos lugares de orixe, aínda que non nos guste e sendo conscentes de que os nosos países quedan máis empobrecidos coa nosa marcha.

3.- Que a maior partes das persoas inmigrantes residentes aquí optamos por desenvolver neste país o noso proxecto vital e o das nosas familias, e que independentemente da situación económica boa ou mala temos dereito a vir e/ou a seguir aquí.

4.- Que as persoas inmigrantes pedimos neste contexto de crise como no de bonanza económica anterior igualdade de dereitos e obrigas con respecto ao resto da poboación Somos e sentímonos tamén de aquí.

5.- Por todo o anterior, rexeitamos as medidas e propostas orientadas a limitar os nosos dereitos individuais, laborais e sociais:

- A chamada Directiva Europea de Retorno, unida á proposta do goberno español de ampliar o tempo de estancia nos centros de internamento ata os 60 días.

- O programa de Retorno Voluntario, coa posibilidade de cobrar a prestación de desemprego acumulada de forma completa, ou a fortísima limitación dos catálogos de ocupacións de difícil cobertura.

- No horizonte, a anunciada limitación do noso dereito ao reagrupamento familiar ou a ampliación de prazo para poder acceder ao arraigo social, cuestións que serían terribles de se converter en realidade para moitos e moitas de nós e para as nosas familias.

Para máis información: Miguel Fernández (981-580506/ 981576142) -Rocío Rodríguez (600-876480)

domingo, 2 de noviembre de 2008

Rolda de prensa do Foro Galego de Inmigración

Mañá luns, ás 11h, presentarase en rolda de prensa na Galería Sargadelos a xornada de reivindicación do sábado 8 de novembro "Tod@s somos migrantes", asi como as sucesivas xornadas de loita por un mundo sen fronteiras.

RESPOSTA DA CONCELLERÍA DE MEDIO AMBIENTE Á PREGUNTA FORMULADA POR ESQUERDA UNIDA SOBRE AS XESTIÓNS DA VÍA VERDE

Con data de 15 de outubro déuse saída á resposta á pregunta que formulou o Consello Comarcal de Esquerda Unida Compostela sobre o estado das xestións para a creación da Vía Verde. En calidade de Coordinador Comarcal cabe felicitarse da pronta resposta da concellaría que dirixe Elvira Cienfuegos. De seguido reproducimos a resposta para que os veciños e veciñas saiban como van as cousas:

***
En contestación ao seu escrito do 18 de setembro de 2008 (núm. rex. 44075) sobre a futura vía verde infórmolle do seguinte:

a) Con data de 17/12/2007 o Concello solicitou do ADIF a cesión para transformación en "Vía Verde" do tramo de vía comprendido entre o km 384/600 e o 397/400, ao mesmo tempo que iniciou as xestións ante os Concellos de Oroso e Ordes para prolongar a "Vía Verde" até este último.
b) Unha vez que os Concellos de Oroso e Ordes se sumaron a esta iniciativa, déronse os pasos para proceder á constitución dun Consorcio que xestione a futura "Vía Verde", pasos que se traducirán no comezo do proceso constituínte, acto que vai ter lugar o vindeiro día 16 no Pazo de Raxoi.
c) Paralelamente, dende esta Concellaría solicitáronse orzamentos para a contratación do servizo e redacción e execución do proxecto de acondicionamento da Vía Verde.
d) Así mesmo, realizáronse xestións a resultas das que, recentemente, obtivemos o compromiso da Dirección Xeral de Turismo para o financiamento da citada contratación.
d) Na liña de aprender doutras experiencias no acondicionamento e xestión de Vías Verdes, o vindeiro 22 de outubro vai ter lugar o Foro sobre iniciativas e experiencias en Vías Verdes, organizado pola FFE e a Concellaría de Medio Ambiente do Concello de Santiago, aberto a toda a cidadanía e no que aproveitamos a ocasión para convidalo a participar.

Sen dúbida, o proceso é máis longo do desexábel pero temos a confianza de que chegue aos resultados esperados.
Agradecendo o seu interese e lembrándolle que continuamos á súa disposición para calquera suxestión ou achega, reciba un cordial saúdo
A Concelleira de Medio Ambiente
Elvira Cienfuegos López.

****
Reiteramos a nosa satisfacción pola pronta resposta. Pero non podemos deixar de anotar a dúbida que nos deixa o proceso constituínte do "vindeiro 16" (de outubro? sería ao día seguinte; de novembro? sería un domingo), xa que á nosa organización política e social e de seguro que aos diferentes colectivos que traballan por un mundo máis saudable e mellor nos gostaría formar parte de dito proceso para que non permaneza unicamente no eido institucional.
Agradecer tamén o convite do día 22 de outubro, pero o certo é que estivemos traballando arreo na Conferencia Nacional de Esquerda Unida que tivo lugar o 25 de outubro e non tivemos ocasión de poder asistir ao Foro sobre Vías Verdes.
Esquerda Unida seguirá moi atenta ao desenvolvemento das xestións para a creación desta Vñia Verde.
Santiago, 2 de novembro de 2008
O Coordinador Comarcal
Xabier Ron

sábado, 1 de noviembre de 2008

JORGE SEOANE ESTARÁ O MARTES 4 EN COMPOSTELA

O martes 4 de novembro de 2008, ás 20h no Club Internacional de Prensa de Santiago (Avda da Coruña, 6 baixo)estará o fillo de Seoane para participar nunha conferencia onde estará tamén Xesús Alonso Montero. A conferencia está aberta a todo o público.

Reproducimos o escrito de lembranza que acompaña ao anuncio divulgado polo CIP.

lembranza Jorge Seoane...

O fillo de Antonio Seoane, Jorge, naceu en Bos Aires, en setembro de 1928. Do seu matrimonio con Elsa Fernández, tamén filla de inmigrantes galegos republicanos, ten unha filla, Susana e unha neta Mª Laura.

Actualmente atópase xubilado. A súa actividade laboral centrouse na banca e na metalurxia. Unha vez fusilado o seu pai, Antonio, viviu coa súa avoa paterna en Bos Aires, unha casa que deu acollida moitos exiliados republicanos dende 1939, que dunha ou outra forma puideron fuxir dos perigos daquela España.

Hoxe atópase en Galicia para cumprir un soño: que por fin, se recoñeza publicamente o sacrificio do seu pai, como o de tantos outros, para conseguir un sistema democrático de goberno en España.

... recórdao

No ano 1936 eu contaba con 8 anos e a pesar de criarme nunha familia con ideas progresistas, por suposto, non podía medir as consecuencias políticas nin persoais que o alzamento contra o goberno libremente elixido de España, ía producir.

A miña foi unha das moitas familias españolas, asentadas en Arxentina, e xa con fillos nacidos alí, que se envorcaron a organizar e participar no movemento de axuda á República Española.

É aí cando o meu pai e a miña nai, con militancia política e sindical na Arxentina (ambos os dous eran obreiros) empezan unha loita clandestina de apoio á República. E digo clandestina, porque neses anos e logo da detención do meu pai, os gobernos arxentinos que se sucederon por moitos anos, eran de tinguidura francamente fascista.

Van transcorrendo os anos da guerra e o compromiso con republícaa e logo de 1939, coa resistencia á ditadura, vai crecendo no meu pai e isto fai que, clandestinamente, mesmo para min, ao redor de 1944/45 se traslade a Galicia co obxectivo de continuar a loita.

Pasamos bastante tempo sen noticias, soamente un "indicio" do paradoiro do meu pai ao recibir anónimamente, un exemplar de "Mundo Obreiro" que como saben, era o órgano de prensa do PCE. E de súpeto, en agosto de 1948, a miña avoa Anuncia recibe unha carta anunciando que "... dende o 11 do mes pasado, Antonio e Gómez Gayoso "están graves" e que "non dan esperanza ningunha da súa melloría". Noutra similar, suxírese que "é moita a gravidade, non contan que se salven a menos que Ud. faga os medios nesa con grandes especialistas... se non hai quen se interese por el será un perigo para a súa vida "... ". Deste xeito recibín a noticia da detención do meu pai e da súa condena a unha morte anunciada, pronunciada antes de escoitar defensa algunha.

Comeza entón a mobilización en Arxentina, para lograr a súa liberación ou polo menos, evitar a súa sentenza a morte. Nesa mobilización participaron fundamentalmente a Federación de Sociedades Galegas, o Sindicato Ferroviario de Rosario e Lombas de Zamora, os partidos políticos arxentinos Socialista, Comunista e Radical e a xente do común que recollía sinaturas de apoio, especialmente en barrios obreiros de Bos Aires como La Boca, San Telmo e Constitución, onde existía unha importante presenza da colectividade española. Quixera recalcar que tamén participaban desta mobilización os que despois serían os meus moi queridos sogros José e Asunción e a miña muller, Elsa. Tamén se recibiron apoios doutras colectividades como por exemplo, o feixón e a iugoslava. Así mesmo, fíxose eco da situación, algunha prensa escrita como o diario Critica de Natalio Botana, que sempre apoiara a República e informara sobre os sucesos da guerra. Recalco o de xente do común, porque é xusto recordar que o goberno arxentino non fixo nada por axudar os presos políticos republicanos dadas as súas boas relacións co goberno franquista.

Eu con 18 anos pretendín viaxar a Galicia para pedir pola vida do meu pai e non puiden logralo polas negativas familiares e políticas, resultado da mestura de protección polos perigos que me podían acontecer e pola crenza de que era un erro político pedir clemencia ao goberno franquista. O non o facer é un peso que sigo levando á data e que recén, despois de 60 anos, podo expresar verbalmente.

Por iso é tan importante para min, estar con vostedes neste aniversario, onde quero deixar expreso manifestación do meu cariño e agradecemento á familia González Cudeiro por arriscarse infinitamente para rescatar o corpo do meu pai e colocalo cos perigos que implicaba na época, na bóveda familiar, con nome cambiado. Isto evitou que eu fose un dos fillos de españois que aínda hoxe andan buscando os seus restos e haber podido en 1978, por primeira vez, estar fronte á tumba do meu pai.

viernes, 19 de septiembre de 2008

Pregunta sobre o estado das xestións para a creación da Vía Verde

Pregunta que rexistramos onte no Concello de Santiago.

********

O 9 de novembro de 2007, a nosa organización rexistrou unha moción para a creación da Vía Verde Amio-Sigüeiro. O 18 de novembro de 2007, ante a iniciativa da concellalía de Medio Ambiente de propoñer a creación de dita Vía Verde, amosabamos publicamente a nosa satisfacción, xa que entendemos que se lle debe ofrecer á cidadanía en xeral, e aos amantes do deporte e da natureza en particular, un espazo único para o desenvolvemento dun ocio non alienante, alternativo ás prácticas actuais.

Tendo en conta que xa case transcorreu un ano sen que teñamos novas sobre a execución da mesma, a agrupación comarcal de Esquerda Unida-IU realiza a seguinte pregunta para a súa resposta por escrito:

1) En que estado están as xestións para desafectar os quilómetros da vella vía de tren necesarios para a creación da vía verde?

2) Ten previsto a Concellalía de Medio Ambiente un calendario de execución da Vía Verde? Pode especificar dito calendario para que saiba a cidadanía cando poderá disfrutar desta Vía Verde?


Santiago de Compostela, 18 de setembro de 2008

Comunicado de Esquerda Unida-IU sobre o Servizo Municipal de Aluguer de Bicicletas

Comunicado de Esquerda Unida-IU sobre o Servizo Municipal de Aluguer de Bicicletas



Quérese de verdade potenciar o uso da bici en Compostela ou trátase de cubrir un mero trámite?

Desde pouco antes do verán púxose en marcha un servizo de aluguer de bicicletas, pero isto non implica que se estea potenciando en verdade o uso da bicicleta como unha alternativa real de transporte. Para sabelo chega con ollar o estado da cidade e do propio servizo de aluguer.

  1. Santiago, unha cidade hostil para o ciclista

A infraestrutura en Santiago é plenamente deficiente. A existencia do carrill-bici de Fontiñas é anecdótica, sen conectividade real cos puntos estratéxicos da cidade, de tal forma que as persoas que queiran facer uso da bici para desplazárense se ven na obriga de fundirse no caos circulatorio en condicións de clara desvantaxe.

Por outra banda, non existen aparcabicis, e todos podemos ollar como as bicicletas se atan a todo tipo de mobiliario urbán, como árbores, farolas, bancos, dándose o caso de chegar a velas colgadas. Os máis precabidos debendo introducilas en portais ou lugares de traballo.

Por riba, a existencia dunha norma municipal que prohibe a circulación de bicis no casco vello converte á nosa cidade en máis hostil se cabe...mesmo para os peregrinos que, descoñecedores de tal norma, fan caso omiso e empregan o medio de peregrinación, como é lóxico, ata chegar ao destino catedralicio. Cabe máis absurdo a este respecto?

  1. A calidade das biciletas ofertadas no servizo de aluguer é moi deficiente

Despois de realizar algunhas probaturas nas bicis ofertadas constatamos que non dispoñen de cambio de catalina, como se Santiago fose unha cidade chá e non houbese nelas costas. Proben os do Concello a subir a costa da rúa das Rodas. Ademais, a adaptabilidade das mesmas ás diferentes alturas dos usuarios é precaria e se un mide máis de 1,80 pode pasalo realmente mal. O mantemento non semella moi bo, de tal forma que xa hai cambios de piñón que non cambian ou que o fan moi mal, cadeas saídas, neumáticos mal hinchados, etc..

  1. Os puntos de recollida so claramente escasos

Semella que hai persoas que merecen andar en bici e outras que non en base ao barrio no que vivan. Barrios coma o de Conxo, ou o do Castiñeiriño quedan excluídos. Mesmo, por que non?, deberíase poder chegar ata o polígono do Tambre a través dun carril bici.

Por outra banda, os puntos de recollida, agás o da estación de autobuses, non teñen marquesiña. Claro, en Santiago o tempo é clemente e case nunca chove. De aí que non sexa preciso protexer da choiva ás bicicletas.

  1. O horario de uso é insuficiente

O horario de inverno, de 9h a 18h, semella escaso.

  1. Unha fianza excesiva

A fianza que se esixe, e tendo en conta as deficiencias que xa exhibe o servizo de aluguer de bicicletas, seméllanos desmesurada.

Conclusión

Despois desta rápida ollada podemos dicir que coa apertura do servizo de aluguer de bicicletas non se pretende potenciar o uso da bici pola nosa cidade de verdade, xa que as dificultades que se lle presentan ao potencial ciclista son moi grandes. Semella máis ben que o que se pretende é engadir ao folleto turístico da cidade un apartado no que se menciona un servizo de aluguer de bicicletas.

Deberían os do Concello aprender doutras cidades como Córdoba (a pioneira en introducir un servizo público de bicicletas e ademais gratuito), que dispón de aparcabicis cada 500 metros e dunha rede de carrís-bici de 42 quilómetros. Ou mesmo de Barcelona, con 14 000 aparcabicis e 128 quilómetros de carril-bici.

Todos e cada un dos futuros pasos deberan encamiñarse por elaborar de forma participada un Plan Director da Bici integrado dentro dun Plano de Transporte Público,de Calidade e Sustentable.

Santiago, 16 de setembro de 2008


lunes, 25 de agosto de 2008

Esquerda Unida felicítase de que o Concello tivese en consideración a moción Regularización semafórica rúa Pitelos con rúa do Hórreo.

Esquerda Unida felicítase de que o Concello tivese en consideración a moción Regularización semafórica rúa Pitelos con rúa do Hórreo.


A inicios do mes de abril Esquerda Unida rexistrara unha moción para a Regularización semafórica rúa Pitelos con rúa do Hórreo. Os motivos, tal como se detallaran na moción:

“Desde que desapareceu a conexión ao tráfico rodado rúa Olvido con rúa da Ensinanza, a rúa Pitelos sofre, en horas puntuais, unha saturación de vehículos maior do que viña sendo habitual por mor de canalizar por dito vial máis tráfico rodado creando verdadeiros tapóns. Así, ao eliminar a subida de vehículos no último treito da rúa Pexego de Arriba, temos como resultado insufribles retencions do tráfico rodado na rúa Pitelos. Dito tráfico queda sempre en pendente e agardando a poderse incorporar á rúa do Hórreo, pero para facelo con garantías o primeiro vehículo invade normalmente o paso de peóns ocasionando molestias aos peóns que mesmo poden ser perigosas.”

Considerando que a seguridade viaria é unha obriga para quen nos goberna, na nosa moción detallabamos no primeiro punto de acordos onde se debían situar os semáforos:

1. Instalar na rúa do Hórreo, á altura dos nº 19 e nº 28, semáforos con intervalo non coincidente cos que xa hai instalados á altura dos nº 13 e nº 20 e que se traduciría en que os primeiros (nº 19 e 28) pecharan un pouco antes (cuestión de segundos) cos mencionados (nº 13 e 20) para permitir que o fluxo de vehículos que veñen da rúa Pitelos se poidan ir situando nos tres carrís que hai no amplo dese treito de vía (de forma estimativa, permitiría a presenza de nove turismos).


Engadindo ademais que, x
unto con esta actuación, na confluencia entre rúa Pitelos e rúa do Hórreo, se debían instalar outros dous semáforos, un a cada lado da rúa, en situación de intermitencia e tamén co intervalo “verde-bermello”, sendo sincronizados co outro grupo mencionado.

Pois ben, Esquerda Unida comprobou nestes últimos días que se instalaron semáforos na rúa do Hórreo e que dita instalación faise onde se detallaba na nosa moción. Cabe, xa que logo, felicitarse polo traballo realizado, ao mesmo tempo que saudar a iniciativa do Concello de escoitar as demandas dun grupo como Esquerda Unida que, se ben non está na institución do Concello, si realiza un labor constante de propostas e suxestións que teñen como fin primordial beneficiar aos composteláns e compostelás.

Santiago, 25 de agosto de 2008

martes, 22 de julio de 2008

Bicicleta, unha cuestión de clase?

Interesante a reflexión que saía nestes días nun medio de difusión nacional con edición local no tocante ao posible éxito das estacións de bici, xa que nela, en base a declaracións recollidas dalgúns persoeiros públicos da vida local do noso Concello, dáse a entender que desprazarse en bici para realizar as nosas tarefas e mesmo coller o transporte público -léase autobús- é algo reservado para as clases socias menos favorecidas.

Sen pretender relacionar o uso de ambos medios de transporte, o certo é que algo de verdade hai na reflexión. Pero, quizais, conviría tamén fixarse na infraestrutura dispoñible. O uso da bici en Compostela nunca foi contemplado no deseño urbanístico da cidade ....e non se pode dicir que se sabe da existencia de bici desde hai escasos anos. E, preguntámonos, contémplase nas máis recentes elucubracións urbanísticas que han ter corpo nos vindeiros anos?

Falta, xa que logo, planificación e un Plan Director da Bici. Despois, a mentalidade xoga un factor determinante e que adquire múltiples facianas que non seremos nós quen as invalide. Antes ben, trátase de facer ver as vantaxes e de convencer ás persoas usuarias dos seus beneficios (éticos, económicos, medioambientais). Aí é onde debe traballar un organismo público. O primeiro exemplo negativo é a trazabilidade e a conectividade: por onde discorren as vías e que puntos conectan de tal forma que a bici axilice os meus desprazamentos (laborais, de subministración esencial, ...)? Isto tamén depende dunha planificación e dun Plan Director da Bici.


En canto ao do transporte público (autobús) hai infraestrutura -se ben aínda cómpre mellorar a axilidade e comodidade do autobús á hora de desprazarse no interior da vila e, máis importante, a accesibilidade e conectividade.

Os que usamos o transporte público con certa frecuencia sabemos moi ben que é importante, por exemplo, ver a un alcalde ou alcaldesa coller o transporte público. Cuestión de exemplo. Predicar o seu uso e logo ser o primeiro en desprazarse no todoterreo ou no último modelo en cuestión de cabalos e potencia é, sinxelamente, unha farsa que inorportuna á persoa de a pé. No entanto, si podemos dicir que cando se incrementan as liñas e as frecuencias, as persoas collen o bus e deixan o coche para os desprazamentos longos de fin de semana. Acontece máis no transporte comarcal, se cabe, a pesar de todas as eivas nas que seguen "emperradas" as empresas prestadoras dos servizos (nula información nas marquesinas, mobiliario escaso, non adaptables ás persoas con carriños para meniños ou ás persoas con discapacidade, ...).

Imos ser optimistas: a canta máis planificación e máis infraestruturas, máis uso. A receita é ben sinxela. Saberá a nosa clase política preparala?

domingo, 13 de julio de 2008

CIDADE DA CULTURA IGUAL A CAIXA REXISTRADORA A BENEFICIO DAS GRANDES FORTUNAS

Reproducimos un novo comunicado elaborado pola Plataforma
Cultura Si Mausoleo Non.
Constátase o que levamos denunciado: nunca un diñeiro público
foi tan mal gastado e tan directamente entregado a mans privadas.

Esta é a marca da "progresía" do bipartito. Esta é a forma de
xestionar o noso diñeiro.


****
CIDADE DA CULTURA IGUAL A CAIXA REXISTRADORA A BENEFICIO DAS
GRANDES FORTUNAS
As empresas que antes subvencionaban os Coros e Danzas do
franquismo, que fletaban autocares para ir á Praza de Oriente
e que actualmente explotan e esquilman sen doerlles aos seus
intereses os recursos naturais de Galiza, van e caen do cabalo
en Monte Pío e parece van invertir todos os seus aforros e
traballar desinteresadamente pola cultura galega.

Consideramos vergonzoso que unha consellería do BNG favorezca
e aplauda esta entrega a empresarios avidos de lucro e
aumentar as suas ganancias da Cidade da Cultura, un monstro que
nos leva costado aos cidadáns galegos máis de 500 millóns de
euros.

Si tan interesante era o proxecto porque non o
costearon desde a primeira palada de cemento os señores de
inditex,fenosa,reganosa,etc?

Agora cando o desembolso do erario público está feito e completado
entran ver se poden ter ganancias os señores empresarios ou é
que entregan os cartos a fondo perdido e como donación por
remorderlles a conciencia as ganancias que teñen conquerido
coa explotación dos recursos naturais de Galiza?

Tamén é vergonzoso o silencio subvencionado da xente da cultura
e dos intelectuais galegos. EStán de acordo en entregar a
Cidade da Cultura ao interes crematístico destes empresarios e
banqueiros. Vense representados nas obras culturais que lle
preceden a estes inversores interesados (picaderos,
festas gastronomicas, plantas de gas, encoros, grandes areas
comerciais,coros e danzas franquistas,etc).

Touriño e Anxela Bugallo priman o lucro e os intereses
empresariais mentras a cultura galega adolece de inversións
e abandonanse o patrimonio monumental e histórico.

Tanta comisión de sabios, mesas de intelectuais e reunións
con artistas, para ao final do mandato do bipartito facer o
que xa tiña pensado Pérez Varela, convertir a Cidade da Cultura
nun mega centro comercial, donde poder facer catro operas
internacionais desas de 'Carmiña Burana' á semana.

A Plataforma Cultura Si, Mausoleo Non chama á mobilización
cidadán, excluidos os que teñan accións e intereses comercias
nestas grandes empresas inversoras ou posibilidades de montar
unha tenda no Gaias ou terrenos urbanizables na zona,
para denunciar o desprezo do goberno bipartito coas
necesidades da poboación que representan e que neste momento de crise
económica, non están precisamente en entregarlle o construido
no Gaias as grandes fortunas galegas para que se siguen enriquecendo.

viernes, 11 de julio de 2008

A MAIOR INVERSIÓN EN CULTURA DO GOBERNO BIPARTITO VAI SER XESTIONADA BAIXO INTERESES COMERCIAIS E BANCARIOS.

Reproducimos un comunicado da Plataforma Cultura Si Mausoleo Non

CONSUMASE A ENTREGA DA CIDADE DA CULTURA AO CAPITAL BANCARIO


TOURIÑO BALEIRA DE CONTIDO E DE ORZAMENTO Á CONSELLERÍA DE CULTURA, PARA DARLLE TODO O PODER DE INTERVENCIÓN Á BANCA.

O Presidente Touriño co aplauso de Anxela Bugallo ven de efectivizar a fuxida do sector público da xestión da Cidade de Cultura. A inversión de mais de 500 millóns de euros que xa vai derrochada no Gaias, con cartos dos impostos de todos os cidadáns, NON vai estar dirixida e controlada por profesionais e técnicos da xestión cultural. O flamante goberno bipartito que se di de esquerdas e progresista, culmina a obra de Manuel Fraga, nomeando a un xestor bancario para que a privatización da Cidade da Cultura se convirta nun negocio lucrativo para as elites patronais e grandes inversores multinacionais.
Queda santificada a conversión do Gaias nun macro centro comercial da Cultura, donde o consumismo e os souvenirs sexan a norma de actuación e a programación vaia centrarse en eventos de nulo contido cultural e si moito espectaculo mediocre e de baixo perfil. Moi pronto podremos ver pasando pola Cidade da Cultura a Isabel Pantoja, Manolo Escobar ou aos Del Rio coa sua Macarena.

A Plataforma Cidadán Cultura Si, mausoleo Non, temos que rechazar esta deriva ideoloxica do que no seu momento se nos publicitou como goberno de esquerdas para rematar nun apendice bancario que ven de entregar o que é maior parte do orzamento da Consellería de Cultura á xestión privada, con nengunha garantia de promocionar e difundir o feito cultural galego. Dado este paso consideramos que non ten sentido a continuidade de Anxela Bugallo ao fronte dun departamento que perde toda capacidade de xestionar a Cidade da Cultura e que asiste de convidada de pedra á entrega a entidades privadas e de ostentoso afan de lucro, do que supostamente representa mais de mitade do orzamento da Consellería de Cultura, que queda valeira de contido e de orzamento.

Unha vez mais consideramos necesario reclamar a disolución deste proxecto seudocultural que é a Cidade da Cultura e esiximos responsabilidades por tanto despilfarro e inversión públicas que van beneficiar os negocios duns poucos inversores empresariais.

10 de xullo de 2008
O Portavoz de Cultura Si Mausoleo NON
Xan Carlos Ansia

miércoles, 9 de julio de 2008

Debe a estación de tren non ter unha de bicicleta?

O anuncio ollado na prensa sobre a disposición das diversas estacións para o préstamo de bicicleta presentaba unha ausencia que coidamos absurda. En efecto, e a menos que a nota de prensa esquecera publicalo, a estación de tren non figura como beneficiaria dunha estación de bici.

Tendo en conta que a de autobús si semella contar cunha, non entendemos por que a de tren non conta con ela. Hai que entender a bicileta coma un medio de transporte máis. Para iso, coidamos que é preciso que a estación de tren dispoña dunha estación de bicicleta.

O seguinte paso é a elaboración dun Plan Director da Bici integrado dentro dun Plan de Transporte Público de Calidade e Sustentable, realizados de forma participativa. Isto é necesario para que o uso da bicicleta sexa unha realidade operativa.

Por iso, é preciso ir artellando a conectividade da cidade mediante unha rede de vías e, nas zonas onde xa é imposible a creación destas vías, o desenvolvemento dos medios técnicos que garantan a convivencia viaria entre os distintos medios de transporte así como unha imprescindible formación en educación viaria para que a convivencia signifique, por riba de todo, a obrigada garantía de seguridade que precisan as persoas usuarias da bicicleta.

Ditos Plans son imprescindibles se queremos que a bici sexa realmente medio de transporte que permita a redución de tráfico motorizado e contaminante na cidade e evitar as illas-viarias (carril de Fontiñas) que non cumpren co cometido de ser vía de comunicación.
Santiago, 9-xullo-2008

sábado, 28 de junio de 2008

Comunicado de Esquerda Unida de Ames sobre os Comedores Escolares

Comunicado do Consello Local de Ames sobre o que está acontecendo cos Comedores Escolares:

1-Tras conversaciones con los responsable de la red de comedores escolares
del concello de Ames reclamando información sobre la relación de niños
admitidos en los comedores escolares tanto por vecinos ajenos a nuestra
organización como por miembros de la asamblea local de IU-EU, la respuesta
es que a fecha de 30 de Junio aun no se sabe que niños están admitidos ni la
fecha prevista para su publicación.

Resaltar la incomprensible dejadez de dichos responsables teniendo en cuenta
que a los padres de los usuarios se les exigió renovar la matricula el mes
de Marzo.

Desde EU-IU queremos resaltar la incongruencia que resulta tras las últimas
noticias donde se alardea de la gestión del gobierno municipal en cuanto a
la conciliación de la vida laboral y personal de los ciudadanos.

Es inadmisible que metidos en los meses vacacionales de Julio y Agosto, las
familias de Ames no sepan aun si tiene que buscar otra alternativa a los
comedores escolares . Alertamos a su vez de la posibilidad que en estos dos
meses, se intente algún tipo de maniobra extraña que altere el actual
funcionamiento de este servicio y una posible subida de tasas.

EU-IU de Ames exige a los responsables de este servicio la máxima celeridad
en la exposición de las listas de admitidos para de esta forma los vecinos
de Ames podamos actuar en consecuencia y con suficiente de tiempo para
solventar posibles problemas.

jueves, 26 de junio de 2008

Por unha función pública de calidade, loitemos contra a externalización e o neoliberalismo

Esquerda Unida apoia a concentración deste xoves 26 ante
o Pleno do Concello ante a contratación de novos asesores
e 6 Directores de Área por parte do Concello.
 
A Administración pública determina a existencia cotiá de toda a
cidadanía, polo tanto, ten que ser obxectiva e imparcial, e desde
logo garantir a profesionalidade dos traballadores que a integran.
 
Hoxe, a patrimonialización política practicada polos axentes do
neoliberalismo (de feito dáse en todos os ámbitos, desde a
Administración local ata a Autonómica e mesmo na Universitaria)
no proceso que se dá en chamar "externalización", é dicir,
encomendar a empresas privadas estudos ou xestións propias
de funcionarios públicos mediante contratos, infravalora a
capacidade de traballo do funcionario público, amais de aumentar,
de forma innecesaria, a contía de diñeiro público destinada a
axentes externos. Diñeiro que debera ir cara outros eidos
(igualdade de oportunidades, acondicionamento e humanización
de barrios, etc) máis necesitados e dos que sempre se afirma
que non hai diñeiro para executar as súas accións.
 
Semella que non doe o desbaldimento de diñeiro público.
Hoxe, cando mesmo o Goberno chama á austeridade o noso
Concello ignora a mesma e aumenta o diñeiro destinado a
esta “externalización”. A “fichaxe” de Directores de Área,
cun Nivel 30 e unhas retribucións anuais de 65000 euros brutos,
que unicamente son asesores, converte en cargos políticos
postos que deberían ser funcionariais. Prodúcese un cambio
pois no sistema de nomeamento, eludindo así procesos selectivos
que avalíen os seus coñecementos e a súa capacidade, así
como a carreira profesional. Triunfa, unha vez máis, o “chiringuitismo”
e perde, unha vez máis, a función pública.
Esquerda Unida chama aos sindicatos do Concello a que reactiven
a Plataforma en defensa dos Servizos Públicos creada en novembro
de 2007. O público está caendo fronte ao privado. O funcionariado
vése así desprezado e devaluado, chegando mesmo a erosionar a
súa credibilidade e valía profesional.

Santiago, 26 de xuño de 2008

martes, 17 de junio de 2008

O Compañeiro e Camarada Herminio Barreiro presenta as súas memorias


O xoves, ás 20h, na Galería Sargadelos, o compañeiro, camarada e membro de Esquerda Unida presentará, desde a súa perspectiva de memoria viva daqueles tempos de escuridade e loita clandestina, as súas lembranzas escolares e universitarias (1940-1965). Como se di na carta de presentación do acto, unha rememoración da infancia e da mocidade.

No acto estarán amais do autor, Manuel Bragado, editor de Xerais; Lupe Gómez, poeta e Luis Cochón, profesor de Literatura.

Animamos a todas as persoas que o desexen a que se acheguen e apoien ao mestre neste día tan especial para el.

viernes, 30 de mayo de 2008

Moción para mellorar a seguridade viaria na rúa Touro (barrio da Almáciga)

Hoxe rexistramos a seguinte moción no Concello, para que sexa tratada no Pleno do mes de xuño, e se non é tratada polo menos para que se tela en conta e se faga algo ao respecto:

MOCION

Instalación de sinalización vertical na rúa Touro no barrio da Almáciga

EXPOSICIÓN DE MOTIVOS

Desde hai uns anos o barrio da Almáciga coñece un constante incremento de tráfico rodado que, tendo en conta a fisionomía de certas rúas, caracterizadas nalgún caso por pendentes moi acusadas, eleva a inseguridade viaria no barrio, tal como deixan constancia os veciños e veciñas.

En días de choiva, os pasos de peóns, ao non estar o suficientemente ben sinalados, pasan desapercibidos para o tráfico rodado, ocasionando situacións de risco ás que cómpre dar unha solución que faga da seguridade viaria a súa máxima.

Esta situación é a que se dá na rúa Touro. Cando escurece ou cando a climatoloxía é adversa para a visibilidade dos condutores, estes pasos de peóns indebidamente sinalados constitúen, en realidade, un perigo para os peóns.

Na mesma rúa Touro, na súa confluencia coa Travesa da Pastoriza, dáse unha situación de elevada perigosidade, xa que esta Travesa se caracteriza por un desnivel moi pronunciado e cun firme moi irregular e a incorporación á rúa Touro faise nunha situación de dúbida para os condutores ante a ausencia de sinal orientador.

En base a todo o anterior, proponse ao Pleno do Concello de Santiago que adopte o seguinte:

ACORDO

1) A instalación de sinais verticais con luminosidade para os pasos de peóns para favorecer a visibilidade dos condutores e mellorar a seguridade dos peóns cando as condicións son adversas.

2) A instalación dun sinal de ceda o paso á altura do nº 11 da rúa de Touro para favorecer a fluidez circulatoria e disipar as dúbidas dos condutores que se incorporan á mesma desde a Travesa da Pastoriza minimizando deste xeito o risco de accidentes (adxuntamos mapa).

A moción foi acompañada cun mapa da zona sinalando a colocación exacta do ceda o paso.

Santiago, 30 de maio de 2008

miércoles, 28 de mayo de 2008

Ante o que consideramos unha falta de respecto polas persoas migrantes

O domingo 25 de maio, ás 9h30, diante de San Roque debía estar o autobús fletado polo Concello de Santiago para ir a Coruña, lugar onde se desenvolveu, e con moito éxito político, social e cultural, a III Asemblea Xeral do Foro Galego de Inmigración e Emigración de Retorno. Dito autobús non apareceu. Tivemos que imporvisar desde o Foro as solucións. O outro autobús, fletado por unha das asociacións integrantes do Foro Galego, xa estaba cheo e na rúa estaban preto de 50 persoas desesperadas.

Este e o escrito que se presentou no Concello:

FORO DE INMIGRACIÓN

Concellería Responsable de Inmigración e Emigración

Att. Sra Dona Mar Martín

Concello de Santiago

Pazo de Raxoi

Santiago 26 de Maio de 2008

Estimada Señora:

Este Foro solicitoullle formalmente e por escrito no seu momento que facilitara con dous autobuses postos polo Concello, a posibilidade de participación das persoas e asociacións de inmigrantes de Santiago de Compostela na III Asemblea Galega de Inmigración e Emigración de Retorno que se celebrou onte día 25 de Maio na cidade de A Coruña.

Despois da solicitude, a técnica do Concello, Carme Peñamaría, púxose en contacto telefónico conmigo para indicarme que estaba concedido 1 autobus para ese fin.

Con posteriorioridade a esa primeira comunicación houbo outras, nas que quedamos con esa técnica en que o propio Concello facia a contratación do autobús e que éste sairía ás 8:30 H da mañá do día 25 de Maio dende San Roque, enfronte do Colexio La Salle no espazo habilitado para aparcamento de autobuses na actualidade polas obras da Rúa Valle-Inclan. Mesmamente, unha compañeira miña do Foro contactou con Carme o mércores día 21 de Maio para recordalle o tema, porque xa pasara algún tempo dende a confirmación definitiva de que estaba concedido o autobús para a hora, día e lugar antes indicado.

Dada a importante afluencia de persoas inmigrantes e asociacións interesadas na participación na Asemblea de A Coruña, dende o propio Foro encargamos outro autobús para o mesmo cometido.

O día 25 de Maio, onte, o autobús encargado polo Concello non se presentou. Non dimos contactado con ningunha empresa da cidade que nos dixera que estaba reservado. Resultounos moi complicado atopar outro autobús e case 50 persoas tiveron que esperar con paciencia máis de dúas horas no citado lugar de saída.

FORO DE INMIGRACIÓN

Máis ala da espera a situación foi de certa tensión e enfrontamento entre asociacións, porque non todos podían ir no único autobús que había.

Solicitamos, que formalmente e por escrito remita resposta a esta Reclamación, o antes posible, para clarexar as dúbidas e reticencias xurdidas, se pode ser facendo constar desculpa expresa para as persoas que tiveron que agradar tanto tempo polo autobús que ese departamento do Concello comprometerase a enviar e non chegou.

Miguel Fernández Blanco

Portavoz do Foro de Inmigración- Tel: 981-576142/ Faxs: 981-580506/Enderezo: Rúa San Roque nº 6 Bis 15704-Santiago de Compostela/ Email: foroinmigracionsantiago@yahoo.es

Organizacións que conforman o Foro de Inmigración: Asociación Amarante, Asociaciación Amani-Galiza, Asociación Chambo, Asociación Galicia Acolle, Asociación de inmigrantes Gondwana, Asociación de Argentinos en el Exterior, Asociación Plataforma polo Emprego, Asociación Puente Cultural Rumano-Gallego, Asociación Universia, Attac Compostela, Asociación de inmigrantes Casa Latinoamericana en Galicia, Cáritas Interparroquial Santiago, Cáritas Milladoiro, Cite-CCOO, Colectivo Brasileiro, Colexio Oficial de Educadores Sociais de Galicia, Comisión de Migración do BNG, Comité Óscar Romero de Santiago de Compostela, Coordenadora Diocesá de Acción Católica,, CUT, Esquerda Unida-izquierda Unida, Foro Debate e Acción, Inzar, Juventudes Marianas Vicencianas, Mans Unidas, Misioneros Combonianos, Mulleres Cristiás Galegas, Oficina de Cooperación e Voluntariado da Universidade de A Coruña, PsdeG-PSOE-Santiago, Seminario Galego de Educación para a Paz; Voluntariado Rogas, Asociación Banda Oriental, Asociación de Emigrantes Retornados da Mahía. Asociación de Venezolanos de Santiago de Compostela, Asociación de Ecuatorianos de Santiago, Médicos do Mundo, Asociación Nañe-Reta Paraguay.

Esquerda Unida de Ames reuniuse coas ANPAS do Concello

COMUNICADO DE PRENSA

O pasado 23 de maio, na casa da cultura de Milladoiro, Esquerda Unida de Ames convocou a todas as ANPAS de centros públicos do concello de Ames. Acudiron a dita convocatoria representantes de todas as ANPAS e os integrantes do consello local de Esquerda Unida Ames.

Iago Patiño, coordinador local de Ames, realizou unha exposición das diferentes reunións individuais que se mantiveran coas directivas e as conclusións ás que se chegara. De seguido, cada unha das ANPAS expuxo con detalle as problemáticas dos centros.

Todas estas intervencións coincidiron en sinalar a necesidade de crear un organismo independente do MALOGRADO consello escolar municipal que, a data de hoxe, non está en vigor. O devandito consello só se reuniu unha vez desde a súa creación hai xa 4 anos, e iso a pesares de que nos seus estatutos se estipula unha reunión cuadrimestral obrigatoria.

Queremos destacar tamén a alarmante falta de comunicación das ANPAS cos organismos oficiais. Estes obstínanse en que as ANPAS se manteñan separadas e sen comunicación entre elas. A información é nula ou deficitaria. Deste xeito, a información resultante non resulta molesta. Estas tácticas amosan que a forma de gobernar está totalmente distanciada dos discursos electoralistas, que se revelan populistas, sen rigor e sen vergoña.

Catro foron os aspectos de urxencia destacados:

1- A creación dunha comisión que represente e xestione as demandas de todas as ANPAS do concello de Ames, independente do Concello escolar municipal . Esquerda Unida ofrécese como organizador de dita comisión. Acéptase a proposta.
2- A creación dun reclamado e urxente CEIP no núcleo urbán de Milladoiro.

3- A ampliación dos ciclos do futuro instituto de Milladoiro, no cal terán que entrar por lei o Bacharelato e Ciclos formativos

4- O apoio incondicional de todas as ANPAS á demanda da de Ventin de non crear unha cuarta liña, que masificaría aínda máis o centro educativo, ata que se realice un estudo previo de todas as necesidades (espaciais, materiais, humanas, etc.), para logo proceder á licitación e execución das necesidades observadas.

Como conclusión final reiteramos o noso apoio ao asociacionismo cidadán e por que cremos que a participación cidadá e o fomento do asociacionismo é un dereito constitucional que enriquece o noso Concello.

Sobre esta conclusión destacamos a intervención critica do noso coordinador no área de Mocidade Daniel Amador, que informou da escaseza de recursos para esta área no Concello. De feito, a última adxudicación do concello para a creación de desenvolvemento en actividades xuvenís e asociacionismo é de 9000 euros que, desde EU-EU estimamos, como pouco, INSULTANTE.

A próxima reunión da comisión iniciada en venres será dentro de dúas semanas, onde se abordarán e concretarán os temas anteriormente expostos e novas demandas que poidan xurdir.

Un saúdo cordial

Iago Patiño

Coordinador Local de *EU-EU Ames

miércoles, 21 de mayo de 2008

Esquerda Unida coa sección de patinaxe do CD Fontiñas

Esquerda Unida, a través do responsable da área de deportes, Anxo Rodríguez,
púxose en contacto coa sección de patinaxe do Club Deportivo Fontiñas para
transmitirlle o apoio da nosa organización e para ofrecer a nosa axuda en
todo o que poidamos levar a cabo.

En comunicación que nos envía Celia Tojo, os días 4,5 e 6 de xullo de 2008
as patinadoras do CD Fontiñas participarán na 3ª edición do Trofeo
Internacional de Skate que se celebrará en Riccione (Rimmini) en Italia.
Participarán na modalidade de Grupos de Show Grande, na que se valora
vestiario, música, interpretación artística, orixinalidade, técnica
e velocidade. As patinadoras conseguiron chegar a este Europeo-B pola
clasificación do Campeonato Nacional de Patinaxe de Show no que obtiveron
o 5º posto. Como di Celia Tojo, "somos el club gallego que representará
a España en el campeonato de Grupo Grande".
Os atrancos económicos non deberían ser obstáculo para que unha modalidade
do deporte base da nosa cidade poda representala. O traballo cotián,
os adestramentos, o voluntarismo deben atopar un refrendo na colaboración
de todas as forzas vivas da cidade de Compostela.

Esquerda Unida ofrece o seu traballo e colaboración para que así sexa.



lunes, 19 de mayo de 2008

Rolda de Prensa para presentar a III Asemblea Xeral do Foro Galego de Inmigración e Emigración de Retorno

Mañá, na Galería Sargadelos de Compostela, presentarase en rolda de prensa a III Asemblea Xeral do Foro Galego de Inmigración e Emigración de Retorno que terá lugar o domingo 25 de maio en Coruña, entre as 10h e as 17h.

Mañá, colgaremos información sobre o evento, importante nestes tempos de racismo institucional, intelectual e social.

Pascual Serrano en Compostela

Despois do seu paso, relativamente recente, polo Simposio "Pobre Mundo Rico" -que tan ben conduciu Carmen Carballo responsable do Club Internacional de Prensa-, Pascual Serrano, director da páxina de información alternativa Rebelión, estará o mércores 21 en Compostela para impartir a charla: "MEDIOS VIOLENTOS. PALABRAS E IMAXES PARA O ODIO E A GUERRA".
A charla terá lugar na Sede da Fundación caixa Galicia (rúa do Vilar, 19).

Non é preciso insistir no importante que é escoitar a quen desenvolve un labor informativo alternativo, que ten o dificil obxectivo de informar de forma veraz nun universo dominado polo pensamento globalizador do neoliberalismo.

Xornada de Atención Primaria na Galería Sargadelos

A todas as persoas interesadas e que desexen e queiran escoitar de boca dos seus protagonistas como está a situación da Atención Primaria, recomendamos asistir a esta xornada que terá lugarañá na Galería Sargadelos, a partir das 16h30 e con protagonismo para a Asociación Galega para a Defensa da Sanidade Pública e da Federación de Asociaciones para la Defensa de la Sanidad Pública. O tema, grosso modo, estrutúrase en base a tres mesas de debate:

1ª mesa: 16h30-18h: análise da situación da Atención Primaria no Estado e en Galicia

2ª mesa: 18h-19h desenvolvemento do Plan de Mellora do Desenvolvemento da Atención Primaria: avances e atrancos

3ª mesa: o papel dos profesionais

O tema é de interese, tendo en conta o que acontece en comunidades como Madrid, onde a privatización avanza a pasos axigantados. Para tomar nota do que se debe facer: potenciar e investir en recursos humanos e materiais na Sanidade Pública e potenciar a Atención Primaria como se merece.

Agardamos que se anime a xente a asistir.

Un ano despois, o barrio da Almáciga padece a mesma situación de desleixe

Representantes de Esquerda Unida, entre os que estaba o seu coordinador comarcal, Xabier Ron, mantiveron unha xuntanza coa Asociación de Veciños Francisco Asorey do barrio da Almáciga. Este encontro encádrase dentro da rolda de encontros que vai manter Esquerda Unida para coñecer a situación dos barrios composteláns, cáseque un ano despois desta nova lexislatura municipal.

Pois ben, despois de case un ano de goberno, o barrio da Almáciga segue na mesma situación de desleixe. Cando Esquerda Unida lle preguntou aos veciños, “que cambios notáchedes no barrio? Mellorou?”, a resposta dos representantes veciñais foi clara: “Nada. Todo segue igual ca antes”.

Somos sabedores que o Concello xoga todo a unha carta para con este barrio, o Plan Urbana, como se este fose un maná caído do ceo. Coidamos que hai actuacións que o Concello –repetimos o Concello- pode ir acometendo sen o desbaldimento de cartos públicos observables nalgunha actuación do Concello en certas rúas de Compostela.

E mentres os orzamentos agardaron ata o mes de maio para seren consensuados, mentres se anuncian plans de teleféricos surrealistas cun custo de 20 millóns de euros, os barrios de Compostela, os de vello, seguen o seu paseniño proceso de degradación. No da Almáciga, entre outros aspectos:

- situacións caóticas de aparcadoiro;

- certas rúas precisan paneis de sinalización vertical para regular con seguridade o tráfico;

- as rúas de Arzúa e Enfesta requiren un urxente proceso de acondicionamento e humanización; a de Pastoriza precisa que se repoña o seu firme;

- o principal acceso ao parque segue sendo privado e dificultoso para os veciños e veciñas con problemas de mobilidade;

- cando chove o fin da r/ Basquiños convértese nunha piscina por non esteren canalizadas as augas pluviais;

- o transporte público non chega á parte alta do barrio; ...

Esquerda Unida apoia as demandas do barrio, demandas que, como afirman os veciños, “levamos reivindicando dende hai tempo” e esixe do equipo de goberno unha planificación equilibrada das necesidades dos barrios de Compostela, incluídos os barrios de vello. Antes de elevar a vista ás alturas do cumio do Gaiás, a pé de rúa hai necesidades que os veciños e veciñas queren ver colmadas.

Compostela, 19-maio-2008

viernes, 25 de abril de 2008

Reflexión do responsable de Mocidade de Ames

Daniel Amador, responsable de Mocidade de Esquerda Unida Ames, reflexiona sobre un feito de actualidade:

LADRILLO E INTEGRACIÓN

Dende fai anos sufrimos un grave problema non resolto no eido da construción. Este problema consiste principalmente na existencia dunha dobre legalidade;

a) a legalidade de dereito e

b) unha “legalidade” paralela, consolidada pola vía dos feitos e que é incomprensible no resto do noso contorno europeo.

A primeira delas constrúe unha realidade ficticia na que tanto as leis coma os instrumentos que as desenvolven, que son os plans urbanísticos, pintan un panorama cheo de termos técnicos e de compricados procedementos administrativos que na práctica quedan valeiros de contido.

Fronte á realidade de dereito prima a segunda realidade, a dos feitos, que consiste en tolerar a construción masiva ao marxe do plan urbanístico que posteriormente legalizará ,de forma milagreira, o que xa de por si é ilegal.

Froito da segunda vía prodúcese un efecto nocivo e que afecta aos máis elementais principios de xustiza; este efecto consiste na falta de execución das sentenzas, que se acumulan nos tribunais e que ditan a ilegalidade dalgunhas das construcións. Tendo en conta esta situación a xustiza non é tal, xa que os fallos non se converten na realidade en feitos concretos. Coñecendo esta acumulación de sentenzas que non se queren executar a pregunta que nos debemos facer a cidadanía é a seguinte: Cales son os criterios para executar unha sentenza e polo tanto derrubar unha edificación ilegal?

Para contestar a esto temos que distinguir dúas realidades

A primeira, a costa, tanto a do noso país coma o do resto do litoral, infestada de construcións que non respetan a legalidade e que foron froito de licenzas indiscriminadas outorgadas por autoridades corruptas. Estas vivendas, que son na meirande parte dos casos segundas vivendas, permanecen intocables mirando ao noso litoral, con ar de superioridade e sabendo que teñen a total seguridade de non seren tocadas por ninguén.

A outra realidade é a que estamos a ver nos últimos tempos nos medios de comunicación (por exemplo a Cañada real e outros asentamentos) nos que se amosan intervencións policiais desmesuradas contra poboados, chabolas..etc, a meirande parte delas formadas por persoas de etnia xitana. Estas vivendas son por suposto vivenda de primeira necesidade .Visto este agravio comparativo é esta a mellor maneira de integrar?.

O principio de legalidade obriga a que a lei deba ser cumprida e non se pode eximir do seu cumprimento ni por razóns económicas nin por razóns étnicas. En todo caso, as posibles excepcións deben ir encamiñadas precisamente, e en termos de xustiza social, ás persoas que non teñen outra vivenda e que quedan condeadas á rúa e non a aqueles que utilizan as vivendas uns poucos días ao ano e que teñen recursos dabondo para subsistir. Mentres non se aborde este tema os efectos os veremos todos os días; ás clases menos favorecidas reprimidas e desaloxodas, en moitos dos casos ilegalmente, mentres as clases dominantes mirarán a noticia dende o seu flamante chalet da costa, chalet por suposto ilegal.

Ames, 24 de abril de 2008

Esquerda Unida pregunta pola situación do vello depósito de augas subterráneo de Fontiñas

EXPOSICIÓN DE MOTIVOS

Durante a construción do Polígono de Vivendas de Fontiñas, e máis concretamente durante o período de acondicionamento urbano exterior e de construción do edificio “Área Central”-ao cargo da empresa Ferrovial-, a florecente Asociación de Veciños “As Fontes” de Fontiñas foi quen de conseguir a construción dun depósito soterrado destinado a recoller as augas pluviais e de manantío para abastecer os sistemas de rego de parterres e outras extensións acotadas como zona verde; incluídos o hoxe Parque de Carlomagno e seu cadoiro.

Dito depósito conta con cadansúa sá de máquinas/bombas e preceptiva maquinaria e ten a súa ubicación baixo a actual Ludoteca e tiña capacidade para albergar suficiente auga como para respostar ao seu cometido e deixar sobrante.

A obtención de dita INFRAESTRUTURA foi absolutamente libre de sobrecusto para a Administración e os veciños, e veu propiciada (ben sabe a nosa Corporación que a clase empresarial non regala nin a información horaria se non vai acompañada dunha plusvalía que multiplique a inversión asumida) pola negativa de dita empresa para asumir o custo da apertura e conexión da Rúa Madrid do mesmo xeito que están conectadas as rúas Berlín e Roma, entanto percibía a posibilidade de habilitar un aparcadoiro soterráneo que requeriría menos investimento ou que, admitindo máis investimento, deparaba unha posible fonte de ingresos futuros.

A razón pobremente esgrimida pola empresa construtora para a non construción do vial era que as cotas de gálibo non eran as axeitadas, evitando propoñer unha saída que se prolongase cara a parte alta da Rúa Madrid. Ao se entregar a obra pasou a titularidade municipal.

Visto o anterior, realizamos a seguinte PREGUNTA:

1) hai algunha razón obxectiva pola cal non se teña utilizado dita infraestrutura, algunha razón pola cal se deixara esmorecer unha construción que se adiantaba ás agora habituais preocupacións pola escaseza de auga; para que se teña que investir parte do presuposto en Parques e Xardíns nun auga que poderiamos obter gratuitamente; para que se deixase sen utilización nin supervisión durante máis de 16 anos?

Santiago, 22 de abril de 2008

Reunión coa ANPA de Ventín

O luns 21 Esquerda Unida de Ames mantivo unha xuntanza con membros da ANPA de Ventín, onde quedou constancia da grande preocupación das nais e pais polo futuro educativo e social da poboación amense de Milladoiro.

Non só é que se desoia constantemente os informes dos docentes do colexio de Ventín que sinalan unha masificación xa intolerable: catalogado como 2 liñas, neste curso xa traballou como de 3, e pretenden agora que sexa como de 4...cun profesorado e cunhas estruturas que só poden desenvolver ben a súa tarefa educadora para 2 liñas.

Asistimos a un sen-sentido educativo que ten ou pode ter graves consecuencias sociais, xa que a día de hoxe máis de 33 nenos e nenas non levan a atención e apoio educativo precisos no centro.

Porque se desatende o que dita o decreto de escolarización? Porque se masifica Ventín? A masificación supón unha eiva que dificulta a configuración dunha educación pública de calidade e que, ademais, alimenta o discurso fácil de que a pública é mala e....a privada(concertada) é mellor porque ofrece os servizos axeitados....

Esquerda Unida transmitiulle á ANPA o seu apoio e solidariedade na reivindicación -coidamos que xusta- de defender un ensino público de calidade.

Santiago, 21 de abril de 2008

viernes, 18 de abril de 2008

Unha feira do libro esmorecente

Resulta paradoxal que na cidade onde se proxectan mausoleos culturais, onde se abre unha biblioteca municipal magnificante, teñamos que ver cómo se lle concede tan pouca vida, tan pouco espazo, tan poucos recursos á Feira do Libro de Compostela.

Non só se ten que reinventar o concepto de Feira, senón que cómpre facilitar o establecemento de máis postos de libreiros diversificados. Os postos non poden ofrecer os mesmos libros e na mesma disposición que nunha Libraría. Iso é obvio. Pero, non nos enganamos se pensamos que a cultura viva está perdendo forza de forma axigantada e que niso algo teñen que ver os gobernantes que deben dar facilidades.

Ofertas especializadas en poesía, en ensaios, nos xéneros máis diversos, libros de vello tamén, etc..... e menos institucionalismo enciclopedista...., quizais.

Que envexa dos bouquinistes de Paris, a carón do Sena!! Paseas e, coa curiosidade, un párase nun libriño cuxas páxinas de cor amarelo amosan o paso do tempo, e , sen moito esforzo económico, levas no teu peto unha pequena viaxe engaiolante.

Os libros son bens culturais. Neles está a esencia da memoria presente que construirá ou representará os nosos tempos cando as xeracións futuras nos lean.

Defendelos é defender a cultura. A cultura viva.

Por iso, as feiras de libros e outros produtos artísticos e culturais (cadros, música, artesanía, ...) deberían ser algo moito máis frecuente e habitual na nosa cidade e non unha ocasión anual que esmorece en postos de libreiros, en ofertas, en actividades, etc..

Santiago debe ofrecer aos turistas relixiosos algo máis que representacións museísticas. Santiago pode e debe seducir ofrecendo a nosa esencia, convidando a que os ollos e as mans agarimen a nosa identidade social, a nosa capacidade literaria.

Insistimos. Menos institucionalismo. Máis cultura viva. Nas rúas e nas prazas. Aberta a todas as persoas. Aí comezan de verdade as campañas de animación á lectura: na accesibilidade aos produtos culturais.

miércoles, 16 de abril de 2008

Ten previsto o Concello crear unha alternativa á Alameda para os deportistas?

Hoxe, no Concello de Santiago rexistramos a seguinte pregunta, xa que a Esquerda Unida, en base ao que recollemos, seméllalle en todo punto inaceptable que a Alameda siga sendo o único espazo "privilexiado" para que as persoas amantes do deporte da carreira podan exercer o seu exercicio cotián.


E máis, hoxe, se pensamos en que, cando se achegan as 21h30, o "circuito" da Alameda péchas, impedindo, aínda máis, as evolucións das carreiras.

Por ese motivo, Esquerda Unida presentou esta pregunta, para lembrarlle ao señor Alcalde a ao equipo de goberno desta cidade que a nosa organización xa presentara hai algo máis dun ano unha moción para a creación dunha alternativa á Alameda, avalada con máis de 1100 sinaturas de persoas vencelladas ao deporte e amantes da vida sá.


****

Considerando que o 29 de marzo de 2007 presentamos unha moción avalada con máis de 1100 sinaturas de persoas amantes do deporte e do atletismo, onde se solicitaba formalmente a creación dunha alternativa á Alameda.

Considerando que se pecha parte do percorrido da Alameda ao chegar a noite, ocasionando máis molestias ás persoas que practican carreira en dito espazo.

Considerando que os practicantes deste deporte amosaron a súa preocupación a Esquerda Unida-IU comunicando que se estaba producindo un incremento indesexado de lesións (tendinites, esguinces e até roturas de fibras) non sendo outra a causa de que ausencia dun espazo alternativo en debidas condicións para a práctica desta modalidade deportiva.

Realizamos a seguinte pregunta:

1) Ten previsto o equipo de goberno crear no futuro parque das Brañas do Sar un circuito de terra pisada sen pendentes pronunciadas (un máximo do 3%), sen curvas pechadas, cun amplor de polo menos 3 metros, cunha lonxitude que xira entre os 2.000-2.500 metros e unha axeitada iluminación nocturna para a práctica do atletismo?

Santiago, 16 de abril de 2008

viernes, 11 de abril de 2008

ACTO POLA III REPÚBLICA,


O xoves 17 de abril, ás 19h, terá lugar no salón de actos da Facultade de Ciencias Políticas de Compostela un acto público para reivindicar a III República. No acto intervirán, Herminio Barreiro, vicepresidente do Foro pola Memoria Republicana de Galicia; Javier Navascués, director da Fundación de Investigacións Marxistas (FIM); Carlos Portomeñe, secretario xeral do Partido Comunista de Galicia.

Animamos a todas as persoas a que se acheguen.

viernes, 4 de abril de 2008

Regularización semafórica rúa Pitelos con rúa do Hórreo

MOCIÓN

rexistrada hoxe no Concello de Santiago para o seu sometemento ao Pleno


Regularización semafórica rúa Pitelos con rúa do Hórreo



EXPOSICIÓN DE MOTIVOS


Desde que desapareceu a conexión ao tráfico rodado rúa Olvido con rúa da Ensinanza, a rúa Pitelos sofre, en horas puntuais, unha saturación de vehículos maior do que viña sendo habitual por mor de canalizar por dito vial máis tráfico rodado creando verdadeiros tapóns. Así, ao eliminar a subida de vehículos no último treito da rúa Pexego de Arriba, temos como resultado insufribles retencions do tráfico rodado na rúa Pitelos. Dito tráfico queda sempre en pendente e agardando a poderse incorporar á rúa do Hórreo, pero para facelo con garantías o primeiro vehículo invade normalmente o paso de peóns ocasionando molestias aos peóns que mesmo poden ser perigosas.


Entendendo que a seguridade viaria debe ser unha obriga
, proponse ao Pleno do Concello de Santiago que adopte os seguintes:


ACORDOS


1.
Instalar na rúa do Hórreo, á altura dos nº 19 e nº 28, semáforos con intervalo non coincidente cos que xa hai instalados á altura dos nº 13 e nº 20 e que se traduciría en que os primeiros (nº 19 e 28) pecharan un pouco antes (cuestión de segundos) cos mencionados (nº 13 e 20) para permitir que o fluxo de vehículos que veñen da rúa Pitelos se poidan ir situando nos tres carrís que hai no amplo dese treito de vía (de forma estimativa, permitiría a presenza de nove turismos).

Xunto con esta actuación, na confluencia entre rúa Pitelos e rúa do Hórreo, instalar dous semáforos, un a cada lado da rúa, en situación de intermitencia e tamén co intervalo “verde-bermello”, sendo sincronizados co outro grupo mencionado

  1. Dita actividade semafórica sería discrecional, é dicir, faríase uso da nova regularización cando fose preciso, en horas de moito tráfico rodado.

Santiago, 4 de abril de 2008